മോഹൻലാൽ വീണ്ടും താര സംഘടന അമ്മയുടെ പ്രസിഡന്റ്
എറണാകുളം : താര സംഘടനയായ "അമ്മ" യുടെ പ്രസിഡൻ്റായി മോഹൻലാലിനെ വീണ്ടും തിരഞ്ഞെടുത്തു. എതിരാളികളില്ലാതെയാണ് മോഹൻലാൽ തെരഞ്ഞെടുക്കപ്പെട്ടത് .
മൂന്നാം തവണയാണ് മോഹൻലാൽ പ്രസിഡന്റായി തിരഞ്ഞെടുക്കപ്പെടുന്നത്. എന്നാൽ ജനറൽ സെക്രട്ടറി, വൈസ് പ്രസിഡന്റ് എന്നി സ്ഥാനങ്ങളിലേക്ക് മത്സരം നടക്കും എന്നാണ് റിപ്പോർട്ടുകൾ സൂചിപ്പിക്കുന്നത്.
ജനറൽ സെക്രട്ടറി സ്ഥാനത്തേക്ക് സിദ്ദിഖ് , കുക്കു പരമേശ്വരൻ , ഉണ്ണി ശിവപാൽ എന്നിവരാണ് ഇപ്പോൾ മത്സര രംഗത്തുള്ളത്. ഇതിനൊപ്പം അമ്മ വൈസ് പ്രസിഡന്റ് സ്ഥാനത്തേക്ക് ജഗദീഷ് , മഞ്ജുപ്പിള്ള , ജയൻ ചേർത്തല എന്നിവര് മത്സരിക്കും.
കഴിഞ്ഞ 25 വര്ഷത്തോളം അമ്മയുടെ വിവിധ തലത്തില് ഭാരവാഹിയായ ഇടവേള ബാബു ഇത്തവണ ഭാരവാഹിയാകില്ലെന്ന് നേരത്തെ അറിയിച്ചിരുന്നു. നിലവില് ജനറല് സെക്രട്ടറിയാണ് ഇടവേള ബാബു.
