അനുബന്ധ വാര്ത്തകള്
- ടി20 ലോകകപ്പിലെ ഏറ്റവും വലിയ റൺവേട്ടക്കാരനാകാം, ഇന്ന് മിന്നിയാൽ കോലിയെ കാത്ത് വമ്പൻ റെക്കോർഡ്
- സ്ഥിരം ലഹരിക്കടത്തുകാർക്ക് വധശിക്ഷ അടക്കം കടുത്ത വകുപ്പുകൾ ചുമത്താൻ നിർദ്ദേശം
- ക്രിക്കറ്റിൽ നിന്നും വിരമിച്ച ശേഷം കൊക്കെയ്ൻ അടിമയായി, വെളിപ്പെടുത്തലുമായി വസീം അക്രം
- ലയണൽ മെസ്സിയെ ലക്ഷ്യമിട്ട് മാഞ്ചസ്റ്റർ സിറ്റി, തിരികെ ടീമിലെത്തിക്കാൻ ബാഴ്സയും
- ബിലാൽ 2023ൽ എത്തിയേക്കും, ഭൂരിഭാഗം രംഗങ്ങളും വിദേശത്ത്
മദ്യക്കടത്ത്: സി.പി.എം നേതാവും കൂട്ടരും അറസ്റ്റിൽ
പാലക്കാട്: അനധികൃതമായി രണ്ടു കാറുകളിലായി മദ്യം കടത്താൻ ശ്രമിച്ച സംഭവത്തിൽ സി.പി.എം മുൻ ബ്രാഞ്ച് സെക്രട്ടറിയും മറ്റു രണ്ടു പേരും പോലീസ് പിടിയിലായി. സി.പി.എം.ചെർപ്പുളശേരി ഹൈസ്കൂൾ റോഡ് മുൻ ബ്രാഞ്ച് സെക്രട്ടറി കാഞ്ഞിരത്തിങ്കൽ വീട്ടിൽ സുരേഷ് ബാബു, ചെർപ്പുളശേരി സ്വദേശി പ്രമോദ്, പൊന്നാനി സ്വദേശി അബ്ദുൽ ഹക്കിം എന്നിവരാണ് പിടിയിലായത്.
ഇവർ മൂവരും ചേർന്ന് 270 ലിറ്റർ മദ്യം 600 കുപ്പികളിലായാണ് രണ്ടു കാറുകളിലായി ഒളിപ്പിച്ചു കടത്താൻ ശ്രമിച്ചത്. കാറുകളും കസ്റ്റഡിയിലെടുത്തു. ജില്ലാ പോലീസ് മേധാവിയുടെ നിർദ്ദേശ പ്രകാരം ജില്ലാ ലഹരി വിരുദ്ധ സ്ക്വാഡും ചെർപ്പുളശേരി പോലീസും ചേർന്ന് നടത്തിയ വാഹന പരിശോധനയിലാണ് ഇവരെ പിടികൂടിയത്.
മാഹിയിൽ നിന്ന് കടത്തിക്കൊണ്ടുവന്ന മദ്യം അട്ടപ്പാടിയിലേക്ക് കൊണ്ടുപോകും വഴിയാണ് പിടികൂടിയത്. അറസ്റ്റിലായ പ്രതികളെ കോടതി റിമാൻഡ് ചെയ്തു.
അടുത്ത ലേഖനം
