അനുബന്ധ വാര്ത്തകള്
- പണം തട്ടിയെടുക്കാൻ ശ്രമിച്ചു, ലിഗ മരിച്ചത് പീഡനശ്രമത്തിനിടെയെന്ന് കുറ്റസമ്മതം; അറസ്റ്റ് ഇന്നുണ്ടായേക്കും
- ലിഗയെ കാട്ടിലെത്തിച്ചത് ബോട്ടിങ് നടത്താമെന്ന് പറഞ്ഞ്, മോശമായി പെരുമാറി; പിന്നിലുള്ള ആളെ തിരിച്ചറിഞ്ഞു
- ‘സിഗരറ്റ് ചോദിച്ചിട്ട് തന്നില്ല, ലൈംഗിക ബന്ധത്തിന് ആവശ്യപ്പെട്ടപ്പോൾ കേട്ടില്ലെന്ന് നടിച്ചു’- ലിഗയെ കണ്ടവർ പൊലീസിന് മൊഴി നൽകി
- ‘സ്പെഷ്യൽ ബ്രാഞ്ച് ഉദ്യോഗസ്ഥർ വീട്ടിലും ഓഫീസിലും ദിവസേന കയറിയിറങ്ങുന്നു’ - ലിഗയെ കണ്ടെത്താൻ അവരുടെ സഹോദരിയെ സഹായിച്ചതിന് പൊലീസ് വേട്ടയാടുന്നുവെന്ന് അശ്വതി ജ്വാല
- അശ്വതി പണപ്പിരിവ് നടത്തിയെന്ന പരാതി ലഭിച്ചിട്ടുണ്ട്, അന്വേഷണം സ്വാഭവികമാണ്: കടകംപള്ളി സുരേന്ദ്രൻ
വിഷമഘട്ടത്തില് പിണറായി സര്ക്കാര് കൂടെനിന്നു: ലിഗയുടെ സഹോദരി ഇലിസ്
ദുരൂഹസാഹചര്യത്തില് കോവളത്ത് മരിച്ചനിലയില് കണ്ടെത്തിയ വിദേശവനിത ലിഗയുടെ സഹോദരി ഇലിസ് മുഖ്യമന്ത്രി പിണറായി വിജയനെ സന്ദര്ശിച്ചു. സര്ക്കാര് നല്കിയ പിന്തുണയ്ക്കും സഹായത്തിനും ഇലിസ് നന്ദി അറിയിച്ചു. മുഖ്യമന്ത്രിയുടെ ഓഫീസിലെത്തിയാണ് ഇലിസ് നന്ദി അറിയിച്ചത്.
വിഷമഘട്ടത്തില് സര്ക്കാരില്നിന്ന് എല്ലാവിധ പിന്തുണയും ലഭിച്ചിട്ടുണ്ടെന്ന് അവര് പറഞ്ഞു. എന്നിട്ടും ചില മാധ്യമങ്ങളില് സര്ക്കാരിനെതിരെ തെറ്റായ പ്രചരണം വന്നതില് അതിയായ ദുഃഖമുണ്ട്. അതിന് ക്ഷമ ചോദിക്കാന് കൂടിയാണ് താന് വന്നതെന്ന് ഇലിസ് പറഞ്ഞു.
തെറ്റായ വാര്ത്തകളും പ്രചാരണവും ഉണ്ടായതില് വിഷമിക്കേണ്ടെന്നും അതിന് പിന്നില് രാഷ്ട്രീയ ഉദ്ദേശ്യമാണെന്നും ലിഗയുടെ സഹോദരിയെ അറിയിച്ചതായി മുഖ്യമന്ത്രി ഫേസ്ബുക്കില് കുറിച്ചു. ദുഃഖകരമായ ഈ സംഭവത്തില് സര്ക്കാരിന് സാധ്യമായതെല്ലാം ചെയ്യുന്നുണ്ടെന്നും സര്ക്കാര് ലിഗയുടെ കുടുംബത്തോടൊപ്പമുണ്ടെന്നും മുഖ്യമന്ത്രി അറിയിച്ചു. ഡിജിപിയെ സന്ദര്ശിച്ചപ്പോള് അദ്ദേഹം എല്ലാ സഹായവും ചെയ്തിട്ടുണ്ടെന്നും ഇലിസ് പറഞ്ഞു.
നിയമനടപടികള് പൂര്ത്തിയായതിനാല് ലിഗയുടെ മൃതദേഹം മേയ് മൂന്നിന് തൈക്കാട് ശാന്തികവാടത്തില് സംസ്കരിക്കും. ടൂറിസം വകുപ്പ് മുന്കൈയെടുത്ത് മെയ് ആറിന് ഞായറാഴ്ച നിശാഗന്ധിയില് ലിഗ അനുസ്മരണ പരിപാടി സംഘടിപ്പിക്കുന്നുണ്ട്.
