അനുബന്ധ വാര്ത്തകള്
- സംസ്ഥാനത്ത് മൂന്ന് ദിവസം കൂടി ശക്തമായ മഴ തുടരുമെന്ന് മുന്നറിയിപ്പ്
- തിരുവനന്തപുരത്ത് വീടിനുമുകളില് വീണ മരക്കൊമ്പ് വെട്ടിമാറ്റുന്നതിടെ കാല് വഴുതിവീണ വയോധികന് മരിച്ചു
- ഭിക്ഷയാചിക്കുന്നവര് തമ്മില് സംഘര്ഷം, കൊച്ചി നഗരമധ്യത്തില് യുവാവ് കുത്തേറ്റ് മരിച്ചു
- പെരിങ്ങല്ക്കുത്ത് ഡാമില് ബ്ലൂ അലര്ട്ട്
- കൊതുകിനെ തുരത്താന് വിഷപ്പുക ശ്വസിക്കണോ!
വടക്കന് ജില്ലകളില് അതീവ ജാഗ്രത, കണ്ണൂരും കാസര്ഗോഡും റെഡ് അലര്ട്ട്; സംസ്ഥാനത്തെ പുതുക്കിയ മഴ മുന്നറിയിപ്പ്
വടക്കന് ജില്ലകളില് വരും മണിക്കൂറുകളില് അതിശക്തമായ മഴയ്ക്ക് സാധ്യത. കണ്ണൂര്, കാസര്ഗോഡ് ജില്ലകളില് റെഡ് അലര്ട്ട് പുറപ്പെടുവിച്ചു. കോഴിക്കോട്, മലപ്പുറം, വയനാട്, ഇടുക്കി, തൃശൂര്, പാലക്കാട്, എറണാകുളം ജില്ലകളില് വരും മണിക്കൂറുകളില് ഓറഞ്ച് അലര്ട്ടാണ്. കോട്ടയം, ആലപ്പുഴ, പത്തനംതിട്ട, കൊല്ലം ജില്ലകളില് യെല്ലോ അലര്ട്ട്.
ശക്തമായ മഴ ലഭിച്ചു കൊണ്ടിരിക്കുന്ന മലയോര മേഖലയില് മണ്ണിടിച്ചില്, ഉരുള്പൊട്ടല്, മലവെള്ളപ്പാച്ചില് സാധ്യതയുള്ള പ്രദേശങ്ങളിലുള്ളവര് സുരക്ഷിതമായ സ്ഥലത്തേക്ക് മാറി താമസിക്കേണ്ടതാണ്. പകല് സമയത്ത് തന്നെ മാറി താമസിക്കാന് ആളുകള് തയ്യാറാവണം.
ശക്തമായ കാറ്റിനു സാധ്യതയുള്ളതിനാല് അടച്ചുറപ്പില്ലാത്ത വീടുകളില് താമസിക്കുന്നവരും മേല്ക്കൂര ശക്തമല്ലാത്ത വീടുകളില് താമസിക്കുന്നവരും പ്രത്യേക ജാഗ്രത പാലിക്കേണ്ടതാണ്. അപകടാവസ്ഥ മുന്നില് കാണുന്നവര് അധികൃതരുമായി ബന്ധപ്പെട്ട് സുരക്ഷിതമായ സ്ഥലങ്ങളിലേക്ക് സുരക്ഷാ മുന്കരുതലിന്റെ ഭാഗമായി മാറി താമസിക്കണം.
