അനുബന്ധ വാര്ത്തകള്
- കെഎസ്ആര്ടിസിയില് കൊറോണ പ്രതിസന്ധി ഇല്ലെന്ന് ഗതാഗത മന്ത്രി ആന്റണി രാജു
- എറണാകുളത്ത് കെഎസ്ആര്ടിസി ബസ് തലകീഴായി മറിഞ്ഞ് അപകടം: 16 പേര്ക്ക് പരിക്ക്
- ടിക്കറ്റ് ഇതര വരുമാനം വര്ദ്ധിപ്പിക്കല്: കെഎസ്ആര്ടിസിയും ഹിന്ദുസ്ഥാന് പെട്രോളിയം കോര്പ്പറേഷനുമായി ധാരണാപത്രം ഒപ്പു വയ്ക്കുന്നു
- മൺറോതുരുത്തിലേക്ക് സ്പെഷ്യൽ ടൂറിസം പാക്കേജുമായി കെ.എസ്.ആർ.ടി.സി
- ശബരിമല തീര്ത്ഥാടകരുടെ എണ്ണത്തില് കുറവ്; 12 ലക്ഷം രൂപയുടെ നഷ്ടമെന്ന് കെഎസ്ആര്ടിസി
പിന്നിലൊരു ചക്രമില്ലാതെ ബസ് ഓടിച്ചു ! ഏഴ് കെ.എസ്.ആര്.ടി.സി. ജീവനക്കാര്ക്ക് സസ്പെന്ഷന്
പിന്നിലൊരു ചക്രമില്ലാതെ ബസ് ഓടിച്ചതിനു ഏഴ് കെ.എസ്.ആര്.ടി.സി. ജീവനക്കാരെ സസ്പെന്ഡ് ചെയ്തു. പിന്നില് നാലു ചക്രങ്ങളിലൊന്നില്ലാതെ ബസ് ഓടിച്ചതിനാണ് കെ.എസ്.ആര്.ടി.സി. നിലമ്പൂര് ഡിപ്പോയിലെ ഏഴു ജീവനക്കാരെ സസ്പെന്ഡ് ചെയ്തത്. 2021 ഒക്ടോബര് ഏഴിനാണ് നടപടിക്ക് ആസ്പദമായ സംഭവം നടക്കുന്നത്. ഗുരുതരമായ കൃത്യവിലോപവും അച്ചടക്കലംഘനവും നടത്തിയതിനാണ് നടപടി.
മെക്കാനിക്കുമാരായ കെ.പി. സുകുമാരന്, കെ. അനൂപ്, കെ.ടി. അബ്ദുള്ഗഫൂര്, ഇ. രഞ്ജിത്കുമാര്, എ.പി. ടിപ്പു മുഹ്സിന്, ടയര് ഇന്സ്പെക്ടര് എന്. അബ്ദുള് അസീസ്, ഡ്രൈവര് കെ. സുബ്രഹ്മണ്യന് എന്നിവരെയാണ് സസ്പെന്ഡ് ചെയ്തത്.
ഒക്ടോബര് ഏഴിന് രാവിലെ ആറുമണിക്ക് കോഴിക്കോട്ടേക്കു പുറപ്പെട്ട ബസിന്റെ പിന്നില് വലതുഭാഗത്ത് രണ്ടു ടയറുകളും ഇടതുഭാഗത്ത് ഒരു ടയറുമാണുണ്ടായിരുന്നത്. യാത്രാമധ്യേ പിറകില്നിന്ന് വലിയ ശബ്ദംകേട്ട് ഡ്രൈവറും കണ്ടക്ടറും നോക്കുമ്പോഴാണ് പിഴവ് മനസ്സിലായത്. ആ വഴി വേറെ സര്വീസ് ഇല്ലാത്തതിനാല് യാത്രക്കാര്ക്ക് പണം തിരികെ നല്കേണ്ടിവന്നു.
