വയറുവേദനയെ തുടര്ന്ന് ആശുപത്രിയിലെത്തിയ 22കാരിയെ ഡോക്ടറായ പുരോഹിതന് പീഡിപ്പിച്ചു; ഇറങ്ങിയോടിയ യുവതിയുടെ പരാതിയില് പുരോഹിതനെതിരെ കേസ്
വയറുവേദനയെ തുടര്ന്ന് ആശുപത്രിയിലെത്തിയ 22കാരിയെ ഡോക്ടറായ പുരോഹിതന് പീഡിപ്പിച്ചു. കോട്ടയം അടിമാലിയില് ആയുര്വേദ ആശുപത്രിയിലെത്തിയ യുവതിയെയാണ് പീഡിപ്പിച്ചത്. സംഭവത്തില് പുരോഹിതനും ഡോക്ടറുമായ ഫാദര് റെജി പാലക്കാടനെതിരെ കുറ്റപത്രം ഉടന് സമര്പ്പിക്കുമെന്ന് അടിമാലി സി ഐ പറഞ്ഞു.
ഒരുമാസം മുന്പ് വയറുപരിശോധിക്കുന്നതിനിടെ മോശമായി പെരുമാറുകയായിരുന്നു. തുടര്ന്ന് യുവതി ആശുപത്രിയില് നിന്ന് ഇറങ്ങി ഓടുകയായിരുന്നു. വീട്ടുകാരോട് യുവതി സംഭവം പറയുകയും പിതാവും സഹോദരനും ഡോക്ടറെ കാണാന് ആശുപത്രിയില് എത്തിയെങ്കിലും ഡോക്ടര് സ്ഥലം വിട്ടിരുന്നു.
