അനുബന്ധ വാര്ത്തകള്
- സംസ്ഥാനത്ത് ഈമാസം ഇതുവരെ പനിബാധിച്ച് മരിച്ചത് 32 പേര്; 708 പേര്ക്ക് ഡെങ്കിപ്പനി ബാധിച്ചു
- ശസ്ത്രക്രിയയിലെ പിഴവുമൂലം യുവാവിന് വൃഷണം നഷ്ടപെട്ടു
- ഓപ്പറേഷന് അജയ്: 11 മലയാളികള് കൂടി കൊച്ചിയിലെത്തി
- സംസ്ഥാനത്ത് പനി ബാധിതരുടെ എണ്ണത്തില് വന് വര്ധനവ്
- നിപ: സമ്പര്ക്ക പട്ടികയിലെ എല്ലാവരും ഐസൊലേഷനില് നിന്നും പുറത്തു വന്നതായി ആരോഗ്യവകുപ്പ്
വികലാംഗര് എന്ന പദം നീക്കി; ഇനി ഭിന്നശേഷി ക്ഷേമ കോര്പ്പറേഷന്
കേരള സംസ്ഥാന വികലാംഗ ക്ഷേമ കോര്പ്പറേഷന് ഇനി മുതല് കേരള സംസ്ഥാന ഭിന്നശേഷി ക്ഷേമ കോര്പ്പറേഷന് അഥവാ കേരള സ്റ്റേറ്റ് ഡിഫറന്റ്ലി ഏബിള്ഡ് വെല്ഫെയര് കോര്പ്പറേഷന് ലിമിറ്റഡ് എന്ന പേരില് അറിയപ്പെടുമെന്ന് ഉന്നതവിദ്യാഭ്യാസ-സാമൂഹ്യനീതി മന്ത്രി ഡോ. ആര് ബിന്ദു അറിയിച്ചു.
വികലാംഗര് എന്നുള്ള പദപ്രയോഗം ഔദ്യോഗിക കാര്യങ്ങളില് നിന്ന് ഒഴിവാക്കാന് നേരത്തേതന്നെ മന്ത്രി നിര്ദ്ദേശം നല്കിയിരുന്നു. ഇക്കാര്യത്തില് കോര്പ്പറേഷന് ഡയറക്ടര് ബോര്ഡ് തീരുമാനമെടുത്ത് കേന്ദ്രസര്ക്കാരിനു കീഴിലെ കമ്പനി മന്ത്രാലയത്തെ സമീപിച്ചുവെങ്കിലും സാങ്കേതിക കാരണങ്ങളാല് അംഗീകാരം നിഷേധിച്ചു. പുനര്നാമകരണം വേഗമാക്കാന് വീണ്ടും സാമൂഹ്യനീതി വകുപ്പ് ശക്തമായ നിര്ദ്ദേശം കോര്പ്പറേഷന് നല്കി. 2023 ആഗസ്റ്റില് ചേര്ന്ന ഡയറക്ടര് ബോര്ഡ് യോഗം വീണ്ടും ഇതേ ആവശ്യം കേന്ദ്രസര്ക്കാറിനു കീഴിലെ കമ്പനി മന്ത്രാലയത്തില് ഓണ്ലൈനായി സമര്പ്പിച്ചു. ഇതേത്തുടര്ന്നാണ് പുതിയ പേരിന് അംഗീകാരം.
