1. വാര്‍ത്താലോകം
  2. വാര്‍ത്ത
  3. കേരള വാര്‍ത്ത
  4. Israel War Kerala News

ഓപ്പറേഷന്‍ അജയ്: 11 മലയാളികള്‍ കൂടി കൊച്ചിയിലെത്തി

Israel War Kerala News
'ഓപ്പറേഷന്‍  അജയ് ' യുടെ  ഭാഗമായി  ഇസ്രയേലില്‍ നിന്നും ഡല്‍ഹിയില്‍ എത്തിയ  മൂന്നാം വിമാനത്തിലെ യാത്രാക്കാരായ കേരളത്തില്‍ നിന്നുളള പതിനെട്ടു (18) പേരില്‍ 11  പേര്‍ കൂടി നാട്ടില്‍തിരിച്ചെത്തി. ഡല്‍ഹിയില്‍ നിന്നുളള വിസ്താര ഡഗ 883  വിമാനത്തില്‍ ഇന്നലെ രാവിലെ 07.40 നാണ് ഇവര്‍ കൊച്ചിയിലെത്തിയത്. ഇവര്‍ക്ക് ഡല്‍ഹിയില്‍ നിന്നുളള വിമാനടിക്കറ്റുകള്‍ നോര്‍ക്ക റൂട്ട്‌സ് ലഭ്യമാക്കിയിരുന്നു. മറ്റുളളവര്‍ സ്വന്തം നിലയ്ക്കാണ് വീടുകളിലേയ്ക്ക് മടങ്ങുന്നത്. കൊച്ചിയിലെത്തിയ ഇവരെ നോര്‍ക്ക റൂട്ട്‌സ് എറണാകുളം പ്രതിനിധി ആര്‍.രശ്മികാന്തിന്റെ നേതൃത്വത്തില്‍ സ്വീകരിച്ച് വീടുകളിലേയ്ക്ക് യാത്രയാക്കി. 
 
കേന്ദ്ര വിദേശകാര്യമന്ത്രാലയത്തിന്റെ 'ഓപ്പറേഷന്‍  അജയ് 'യുടെ ഭാഗമായി ഇതുവരെ 58 കേരളീയരാണ് ഇസ്രായേലില്‍ നിന്നും നാട്ടില്‍ തിരിച്ചത്തിയത്. കഴിഞ്ഞ ദിവസം 33 കേരളീയരാണ് തിരുവനന്തപുരം. കൊച്ചി വിമാനത്താവളങ്ങള്‍ വഴി നാട്ടിലെത്തിയത്.
അടുത്ത ലേഖനം
ഇസ്രായേല്‍ ഗാസയില്‍ ആക്രമണം തുടര്‍ന്നാല്‍ നോക്കിനില്‍ക്കില്ലെന്ന് ഇറാന്‍