അനുബന്ധ വാര്ത്തകള്
- ഇടുക്കിയില് കാട്ടാനയുടെ ചവിട്ടേറ്റ് വീട്ടമ്മയ്ക്ക് ദാരുണാന്ത്യം
- സംസ്ഥാനത്ത് തിങ്കളാഴ്ച പ്രഖ്യാപിച്ച ഹര്ത്താലില് പിഎസ്സി ഉള്പ്പെടെയുള്ള പരീക്ഷകള് മാറ്റിവച്ചു
- ഓണം ബംപറില് 3,000 രൂപ നഷ്ടമായത് മൂന്നക്കത്തിന്; പിറ്റേന്നെടുത്ത ടിക്കറ്റിന് 75 ലക്ഷം !
- ടി ജെ ജോസഫിനെ ദേശീയ ന്യൂനപക്ഷ കമ്മീഷൻ അംഗമാക്കാൻ കേന്ദ്രസർക്കാർ നീക്കം
- നവംബര് ഒന്നിനുതന്നെ സ്കൂളുകള് തുറക്കുമെന്ന് വിദ്യാഭ്യാസമന്ത്രി
കേരളത്തില് ഇടിമിന്നലോട് കൂടിയ മഴയ്ക്ക് സാധ്യത; വിവിധ ജില്ലകളില് മുന്നറിയിപ്പ്
സംസ്ഥാനത്ത് നാളെ മുതല് ചൊവ്വാഴ്ച്ച വരെ ശക്തമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കി. ഇടിമിന്നലോട് കൂടിയ മഴയ്ക്കാണ് സാധ്യത. തെക്കന് കേരളത്തിലും മധ്യകേരളത്തിലും മഴ സജീവമായേക്കും.
വടക്ക് കിഴക്കന് ബംഗാള് ഉള്ക്കടലിലും അതിനോട് ചേര്ന്ന മധ്യകിഴക്കന് ബംഗാള് ഉള്ക്കടലിലും ഇന്ന് വൈകുന്നേരത്തോടെ ന്യൂനമര്ദ്ദം രൂപപ്പെടാന് സാധ്യതയുണ്ടെന്നും കാലാവസ്ഥ നിരീക്ഷണ കേന്ദ്രം അറിയിച്ചു. തുടര്ന്നുള്ള 48 മണിക്കൂറില് ഒഡിഷ തീരത്തേക്ക് സഞ്ചരിക്കാന് സാധ്യതയുണ്ട്.
പത്തനംതിട്ട, ആലപ്പുഴ ജില്ലകളില് നാളെ യെല്ലോ അലേര്ട്ട് പ്രഖ്യാപിച്ചു.
ഞായറാഴ്ച്ച പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി ജില്ലകളിലും തിങ്കളാഴ്ച്ച തിരുവനന്തപുരം മുതല് എറണാകുളം വരെ 7 ജില്ലകളിലും യെല്ലോ മുന്നറിയിപ്പുണ്ട്.
കേരള-കര്ണാടക- ലക്ഷദ്വീപ് തീരങ്ങളില് നിലവില് മത്സ്യബന്ധനത്തിന് തടസ്സമില്ല.
