അനുബന്ധ വാര്ത്തകള്
- രാജ്യത്ത് പുതിയ കൊവിഡ് കേസുകള് 43,263; മരണം 338
- ഭാര്യയെ വില്ക്കാന് യുവാവിനോട് ആവശ്യപ്പെട്ട 80കാരന് കൊല്ലപ്പെട്ട നിലയില്: യുവാവ് അറസ്റ്റില്
- ബ്രഹ്മപുത്രയില് ബോട്ടുകള് കൂട്ടിയിടിച്ച് അപകടം: 70തോളം പേരെ കാണാനില്ല, ഒരു മൃതദേഹം ലഭിച്ചു
- നിപ ഭീതി ഒഴിയുന്നു; 15 പേരുടെ ഫലം കൂടി നെഗറ്റീവ്
- കോളേജുകള് തുറക്കേണ്ടത് എങ്ങനെ? സര്ക്കാര് ആലോചിക്കുന്നു
സംസ്ഥാനത്ത് രണ്ടരമാസത്തിനിടെ റിപ്പോര്ട്ട് ചെയ്ത കൊവിഡ് മരണങ്ങളില് 97 ശതമാനവും വാക്സിന് സ്വീകരിക്കാത്തവര്!
കഴിഞ്ഞ രണ്ടര മാസത്തിനിടെ സംഭവിച്ച കൊവിഡ് മരണങ്ങളില് 97 ശതമാനവും വാക്സീന് എടുക്കാത്തവരാണെന്നാണ് ആരോഗ്യവകുപ്പിന്റെ പഠന റിപ്പോര്ട്ട്. ജൂണ് 18 മുതല് സെപ്റ്റംബര് മൂന്നുവരെയുള്ള കാലയളവിലെ മരണങ്ങളാണ് ആരോഗ്യവകുപ്പ് പഠന വിധേയമാക്കിയത്. ഇതനുസരിച്ച് കൊവിഡ് ബാധിച്ച് മരിച്ച 9195പേരില് 8290പേരും വാക്സീന് ഒരു ഡോസ് പോലും എടുത്തിരുന്നില്ല.
ഇക്കഴിഞ്ഞ രണ്ടരമാസക്കലയളവില് ഏറ്റവും കൂടുതല് മരണങ്ങള് റിപ്പോര്ട്ട് ചെയ്തത് തൃശൂരിലാണ്. ഇവിടെ മരിച്ചവരില് 1021 പേരും ഒരു ഡോസ് വാക്സീന് പോലും എടുത്തിരുന്നില്ല. ഏറ്റവും കുറവ് വയനാട് ജില്ലയിലാണ് , 130പേരാണ് ഒരു ഡോസ് വാക്സീന് പോലും എടുക്കാതെ കൊവിഡ് ബാധിച്ച് മരിച്ചത്. തിരുവനന്തപുരം 988, പാലക്കാട് 958, മലപ്പുറം 920,കോഴിക്കോട് 916,കൊല്ലം 849,എറണാകുളം 729, കണ്ണൂര് 598,കോട്ടയം 309,കാസര്കോഡ് 233, ആലപ്പുഴ 282, പത്തനംതിട്ട 208, ഇടുക്കി 149 ഇങ്ങനെയാണ് മറ്റ് ജില്ലകളിലെ കണക്ക്.
