അനുബന്ധ വാര്ത്തകള്
- നദിയ്ക്ക് കുറുകെ നിന്ന് സെൽഫി എടുക്കാൻ ശ്രമം, മലവെള്ളപ്പാച്ചിലിൽ കുടുങ്ങി പെൺകുട്ടികൾ, വീഡിയോ
- ഇന്ത്യ വികസിപ്പിച്ചെടുത്ത കൊവാക്സിന് 30കാരനില് പരീക്ഷിച്ചു; അടുത്ത പരീക്ഷണം 375 പേരില്
- ചൈന വേണ്ട..., 5G പദ്ധതിയിൽനിന്നും ഹുവാവെയ് ഉൾപ്പടെയുള്ള ചൈനീസ് കമ്പനികളെ ഒഴിവാക്കാൻ കേന്ദ്രം
- ഇന്ത്യ വികസിപ്പിച്ചെടുത്ത കൊവാക്സിന്റെ മനുഷ്യരിലെ പരീക്ഷണത്തിന് തുടക്കമായി
- ഡിജിപി ലോക്നാഥ് ബെഹ്റയ്ക്ക് കസ്റ്റംസിന്റെ നോട്ടീസ്
കൊവിഡ് പരിശോധനയുടെ കാര്യത്തില് മറ്റു സംസ്ഥാനങ്ങളുമായി താരതമ്യം ചെയ്യുമ്പോള് കേരളം മൂന്നാം സ്ഥാനത്താണെന്ന് മുഖ്യമന്ത്രി
കൊവിഡ് പരിശോധനയുടെ കാര്യത്തില് രാജ്യത്തെ മറ്റു സംസ്ഥാനങ്ങളുമായി താരതമ്യം ചെയ്യുമ്പോള് കേരളം മൂന്നാം സ്ഥാനത്താണെന്ന് മുഖ്യമന്ത്രി പിണറായി വിജയന് പറഞ്ഞു. തുടക്കത്തില് 100നു താഴെ മാത്രമായിരുന്നു പ്രതിദിന പരിശോധന. അത് രോഗവ്യാപന തോതനുസരിച്ച് 25,000ത്തില് കൂടുതലെത്തിക്കാന് കഴിഞ്ഞു. കഴിഞ്ഞ 24 മണിക്കൂറിനിടെ 25,160 സാമ്പിളുകളാണ് പരിശോധിച്ചത്.
15 സര്ക്കാര് ലാബുകളിലും 8 സ്വകാര്യ ലാബുകളിലുമുള്പ്പെടെ 25 സ്ഥലങ്ങളിലാണ് ആര്ടിപിസിആര് പരിശോധിക്കാനുള്ള സംവിധാനങ്ങളുള്ളത്. ട്രൂ നാറ്റ് പരിശോധന 19 സര്ക്കാര് ലാബിലും 15 സ്വകാര്യ ലാബിലും സിബി നാറ്റ് പരിശോധന 6 സര്ക്കാര് ലാബിലും 9 സ്വകാര്യ ലാബിലും നടക്കുന്നു. എയര്പോര്ട്ടിലേയും ക്ലസ്റ്ററുകളിലേയും ആന്റിജന് പരിശോധനയ്ക്കായി 10 ലാബുകളുമുണ്ട്. നിലവില് 84 ലാബുകളില് കോവിഡിന്റെ വിവിധ പരിശോധനകള് നടത്താനാകും. 8 സര്ക്കാര് ലാബുകളില് കൂടി പരിശോധിക്കാനുള്ള നടപടികള് പൂര്ത്തിയായി വരികയാണ്.
