അനുബന്ധ വാര്ത്തകള്
- നിയമസഭാ തിരഞ്ഞെടുപ്പ്: പോസ്റ്റല് ബാലറ്റിന് ഇതുവരെ അപേക്ഷിച്ചത് 402498 പേര്
- ചെറുപ്പക്കാരെ വഞ്ചിച്ച സര്ക്കാര് ആണ് കേരളം ഭരിക്കുന്നത്: ചാണ്ടി ഉമ്മന്
- രാജ്യത്ത് കൊവിഡ് വാക്സിനേഷന് സ്വീകരിച്ചവരുടെ എണ്ണം നാലുകോടിയോട് അടുക്കുന്നു
- രാജ്യത്ത് കഴിഞ്ഞ 24 മണിക്കൂറിനിടെ കൊവിഡ് സ്ഥിരീകരിച്ചത് 39,726 പേര്ക്ക്; മരണം 154
- നിയമസഭാ തിരഞ്ഞെടുപ്പ്: നാമനിര്ദേശ പത്രിക സമര്പ്പിക്കാനുള്ള അവസാന തിയതി ഇന്ന്
ഒരാള്ക്ക് ഒന്നിലധികം വോട്ടര് തിരിച്ചറിയല് കാര്ഡ്: കൂടുതല് ജില്ലകളില് പരിശോധന നടത്താന് ജില്ലാ തിരഞ്ഞെടുപ്പ് ഉദ്യോഗസ്ഥര്ക്ക് നിര്ദ്ദേശം
ഒരാള്ക്ക് ഒന്നിലധികം വോട്ടര് തിരിച്ചറിയല് കാര്ഡ് നല്കിയെന്ന പരാതിയില് കൂടുതല് ജില്ലകളില് പരിശോധന നടത്താന് മുഖ്യ തിരഞ്ഞെടുപ്പ് ഓഫീസര് ടീക്കാറാം മീണ ജില്ലാ തിരഞ്ഞെടുപ്പ് ഉദ്യോഗസ്ഥര്ക്ക് നിര്ദ്ദേശം നല്കി. വോട്ടര് പട്ടികയില് ഒന്നിലധികം തവണ പേരു ചേര്ക്കാന് ബോധപൂര്വമുള്ള ശ്രമമുണ്ടായോയെന്ന് വിശദമായി പരിശോധിച്ച് മാര്ച്ച് 20 നകം റിപ്പോര്ട്ട് നല്കണമെന്നാണ് കണ്ണൂര്, വയനാട്, മലപ്പുറം, പാലക്കാട്, തൃശൂര്, എറണാകുളം, ഇടുക്കി, കോട്ടയം, പത്തനംതിട്ട ജില്ലാ തിരഞ്ഞെടുപ്പ് ഉദ്യോഗസ്ഥരോട് നിര്ദ്ദേശിച്ചിരിക്കുന്നത്.
കണ്ണൂര്, കൂത്തുപറമ്പ്, കല്പ്പറ്റ, തവനൂര്, പട്ടാമ്പി, ചാലക്കുടി, പെരുമ്പാവൂര്, ഉടുമ്പന്ചോല, വൈക്കം, അടൂര് മണ്ഡലങ്ങളിലെ വോട്ടര്പട്ടികയിലെ ക്രമക്കേട് ചൂണ്ടിക്കാട്ടി പ്രതിപക്ഷ നേതാവ് രമേശ് ചെന്നിത്തല നല്കിയ പരാതിയുടെ അടിസ്ഥാനത്തിലാണ് നടപടി. കാസര്ഗോഡ്, കോഴിക്കോട്, ആലപ്പുഴ, കൊല്ലം, തിരുവനന്തപുരം ജില്ലകളില് പരിശോധന നടത്താന് ബുധനാഴ്ച നിര്ദ്ദേശം നല്കിയിരുന്നു. അരോപണം ശരിയാണെന്ന് തെളിഞ്ഞാല് നിയമപ്രകാരമുള്ള നടപടികള് സ്വീകരിക്കും.
