തിരുവനന്തപുരം: എല്ലാ പ്രയക്കരയാ സ്ത്രീകൾക്കും ശബരിമലയിൽപ്രവേശിക്കാൻ അനുമതി നൽകിയ സുപ്രീം കോടതി വിധി നടപ്പിലാക്കുന്നതിൽ സർക്കാർ ചെകുത്താനും കടലിനും നടുവിലാണെന്ന് ദേവസ്വം മന്ത്രി കടകം‌പള്ളി സുരേന്ദ്രൻ.

സുപ്രീം കോടതി വിധി നടപ്പിലാക്കാൻ കേന്ദ്ര ആഭ്യന്തര വകുപ്പ് സമ്മർദ്ദം ചെലുത്തുമ്പോൾ മറുഭാഗത്തുകൂടി ഭക്തരുടെ വേഷത്തിൽ ബി ജെ പി സംസ്ഥാന നേതൃത്വം കോടതി വിധിക്കെതിരെ സമരം ചെയ്യുകയാണെന്ന് മന്ത്രി വ്യക്തമാക്കി.

വരുന്ന പാർലമെന്റ് തിരഞ്ഞെടുപ്പാണ് ബി ജെ പി ലക്ഷ്യം വക്കുന്നത്. ശബരിമലയിൽ ഫാസിസം അഴിഞ്ഞാടുകയാണ്. മാധ്യമപ്രവർത്തകർക്ക് പോലും സന്നിധാനത്തുനിന്നും മടങ്ങിപ്പോകേണ്ട അവസ്ഥ വന്നു. കാര്യങ്ങൾ സുപ്രീം കോടതിയെ അറിയിക്കാനുള്ള ദേവസ്വം ബോർഡിന്റെ തീരുമനം ഉചിതമാണെന്നും കടകം‌പള്ളി സുരേന്ദ്രൻ പറഞ്ഞു.