അനുബന്ധ വാര്ത്തകള്
- ‘രാഹുൽ ഈശ്വറിനെ അറസ്റ്റ് ചെയ്തു കൊണ്ടു പോയത് ട്രാക്ടറിൽ ടാർപോളിൻ വച്ച് പൊതിഞ്ഞ്’; ഭാര്യ ദീപ
- എൻ ഡി ടി വിക്കെതിരെ 10,000 കോടിയുടെ മാനനഷ്ടക്കേസ് നൽകി അനിൽ അംബാനിയുടെ റിലയൻസ് ഗ്രൂപ്പ്
- മലകയറാൻ രണ്ട് യുവതികൾ കൂടിയെത്തി; കയറ്റിവിടണോ വേണ്ടയോ എന്നതിൽ തീരുമാനമായില്ല
- ബാബരി മസ്ജിദ് തകർത്ത സമയത്തെ സമാന സംഭവങ്ങൾ ശബരിമലയിൽ അരങ്ങേറുന്നു: സീതാറാം യെച്ചൂരി
- അവിശ്വാസിയായ ചുംബനസമരക്കാരി ശബരിമലയെ കളങ്കപ്പെടുത്തി എന്ന് ആര്.എസ്.എസ്സിന് വെടിമരുന്നിട്ടുകൊടുക്കുകയല്ലാതെ മറ്റെന്തെങ്കിലും സ്ഥാപിക്കാന് എന്റെ ശബരിമലപ്രവേശനത്തിന് സാധിക്കില്ല; അരുന്ധതി
രഹന ഫാത്തിമയുമായി തനിക്ക് ബന്ധമില്ലെന്ന് കെ സുരേന്ദ്രൻ
ശബരിമലകയറാനെത്തിയ രഹന ഫത്തിമയുമായി യാതൊരു ബന്ധവുമില്ലെന്ന് ബി ജെ പി സംസ്ഥാന സെക്രട്ടറി കെ സുരേന്ദ്രൻ. രഹനാ ഫാത്തിമയെ ടാഗ് ചെയ്തുള്ള കെ സുരേന്ദ്രന്റെ 2016ലെ ഫെയിസ്ബുക് പോസ്റ്റ് പുറത്തുവന്നതിനു പിന്നാലെയാണ് കെ സുരേന്ദ്രന്റെർ പ്രതികരണം.
ശബരിമല കയറാനെത്തിയ രഹന ഫാത്തിമ ആരാണെന്ന തരത്തിൽ കെ സുരേന്ദ്രൻ ചോദ്യം ചെയ്തിരുന്നു. ഇതിനു പിന്നാലെയാണ് രഹന ഫാത്തിമയെ ടാഗ് ചെയ്ത് ശബരിമല സ്ത്രീ പ്രവേശനത്തെ അനുകൂലിച്ച് കെ സുരേന്ദ്രൻ ഫെയിസ്ബുക്കിൽ ഇട്ട പോസ്റ്റ് പുറത്തുവന്നത്. സമൂഹ്യമാധ്യമങ്ങളിൽ ഇപ്പോൾ ഈ പോസ്റ്റ് വൈറലായിരിക്കുകയാണ്. എന്നാൽ ആരോപണങ്ങൾ അടിസ്ഥാനരഹിതമാണെന്ന നിലപാടിൽ ഉറച്ചുനിൽക്കുകയാണ് കെ സുരേന്ദ്രൻ.
കെ സുരേന്ദ്രനും രഹനാഫാത്തിമയും തമ്മിൽ മംഗലാപുരത്തുവച്ച് പലതവണ കൂടിക്കാഴ്ച നടത്തിയതായി ആക്ടിവിസ്റ്റ് രശ്മി ആർ നായരും വെളിപ്പെടുത്തിയിരുന്നു. സംസ്ഥാനത്ത് കലാപമുണ്ടാക്കുന്നതിന്റെ ഭാഗമായാണ് രഹനയുടെ ഫെയിസ്ബുക്ക് പോസ്റ്റും മലകയറ്റവും എന്നായിരുന്നു രശ്മി ആർ നായർ ഫെയിസ്ബുക്കിൽ കുറിച്ചത്.
