അനുബന്ധ വാര്ത്തകള്
- പറയാനുള്ളത് മുഴുവന് കേട്ടു; ഇനി ആശാവര്ക്കര്മാരുമായി ചര്ച്ച ഇല്ലെന്ന് ആരോഗ്യവകുപ്പ് മന്ത്രി
- ആശാവര്ക്കര് സമരം: എട്ടു ദിവസം നിരാഹാരം കിടന്ന ആശാവര്ക്കറെ ആശുപത്രിയിലേക്ക് മാറ്റി
- ആശാവര്ക്കര്മാരെ വീണ്ടും ചര്ച്ചയ്ക്ക് വിളിച്ച് ആരോഗ്യ മന്ത്രി വീണാ ജോര്ജ്; ചര്ച്ച നടത്തുന്നത് മൂന്നാം തവണ
- ആശമാര് വെട്ടിയ തലമുടി കേരളത്തില് നിന്നുള്ള കേന്ദ്ര മന്ത്രിമാര് വഴി കേന്ദ്ര സര്ക്കാരിനു കൊടുത്തയക്കണം: മന്ത്രി വി ശിവന്കുട്ടി
- ആശാവര്ക്കര്മാരുടെ സമരത്തിന് 50 ദിവസം; തലമുണ്ഡനം ചെയ്ത് പ്രതിഷേധം
സമരം ചെയ്യുന്നത് സ്ത്രീകളാണെന്ന പരിഗണന പോലും നല്കുന്നില്ല; ആശമാരുടെ സമരത്തില് സര്ക്കാരിനെ രൂക്ഷമായി വിമര്ശിച്ച് കെ സച്ചിദാനന്ദന്
ചെറിയ വര്ദ്ധനവ് എങ്കിലും അനുവദിച്ച് എന്തുകൊണ്ട് സമരം അവസാനിപ്പിക്കുന്നില്ലായെന്ന് അദ്ദേഹം ചോദിച്ചു.
ആശമാരുടെ സമരത്തില് സംസ്ഥാന സര്ക്കാരിനെ രൂക്ഷമായി വിമര്ശിച്ച് കേരള സാഹിത്യ അക്കാദമി ചെയര്മാന് കെ സച്ചിദാനന്ദന്. സമരം ചെയ്യുന്നത് സ്ത്രീകളാണെന്ന പരിഗണന പോലും സര്ക്കാര് നല്കുന്നില്ലെന്ന് അദ്ദേഹം കുറ്റപ്പെടുത്തി. കേരളത്തിന്റെ ആരോഗ്യരംഗത്തെക്കുറിച്ച് അഭിമാനം ഉണ്ടെങ്കില് അതിന് പ്രധാന കാരണം ആശമാരാണെന്നും അവകാശം പോലും ചോദിക്കാന് അവകാശമില്ലാത്ത അഭയാര്ത്ഥികളാണോ ആശാവര്ക്കര്മാരെന്ന് അദ്ദേഹം ചോദിച്ചു.
ചെറിയ വര്ദ്ധനവ് എങ്കിലും അനുവദിച്ച് എന്തുകൊണ്ട് സമരം അവസാനിപ്പിക്കുന്നില്ലായെന്ന് അദ്ദേഹം ചോദിച്ചു. സര്ക്കാരിനെതിരെ ഭരണപക്ഷ തൊഴിലാളി യൂണിയന് സമരം ചെയ്യുന്ന ഒരു കാലം കേരളത്തില് ഉണ്ടായിരുന്നുവെന്നും ഭരണവും സമരവും എന്നായിരുന്നു ഇ എം എസ് മുന്നോട്ടുവച്ച മുദ്രാവാക്യമെന്നും അധികാരം ആ മുദ്രാവാക്യത്തെ നിശബ്ദമാക്കി എന്നും സര്ക്കാരിന്റേത് കോപ്പറേറ്റീവ് സിഇഓമാരുടെ സ്വരമെന്നും അദ്ദേഹം പറഞ്ഞു.
പാവപ്പെട്ട സ്ത്രീകളോട് ഡല്ഹിയില് നിന്ന് സമരം ചെയ്യൂ എന്നല്ല സര്ക്കാര് പറയേണ്ടത്. വലതു ഫാസിസ്റ്റുകളുടെ ഭാഷ ഉപയോഗിക്കരുതെന്ന് സര്ക്കാരിനോട് അദ്ദേഹം അഭ്യര്ത്ഥിച്ചു.
