കാലിക്കറ്റ് സര്‍വ്വകലാശാലയുടെ വൈസ് ചാന്‍സലറായി ഡോ കെ മുഹമ്മദ്​ ബഷീറിനെ നിയമിച്ചു. ഇതു സംബന്ധിച്ച ഫയലില്‍ ഗവർണർ പി സദാശിവം ഒപ്പു വെച്ചു. കേരള സർവ്വകലാശാല രജിസ്​ട്രാർ ആയിരുന്നു മുഹമ്മദ് ബഷീര്‍.

ചീഫ്​ സെക്രട്ടറി കൺവീനറായ ​സെർച്ച് കമ്മിറ്റി വൈസ്​ചാൻസലർ പദവിയിലേക്ക്​ ഡോ മുഹമ്മദ്​ ബഷീറിന്റെ പേര്​ മാത്രമാണ്​ നിർദ്ദേശിച്ചത്​. എന്നാൽ അദ്ദേഹത്തി​ന്റെ അക്കാദമിക യോഗ്യതയെക്കുറിച്ച്​ കഴിഞ്ഞ ദിവസം ഗവർണർ ചീഫ്​ സെക്രട്ടറിയോട്​ വിശദീകരണം തേടിയിരുന്നു.

ചീഫ്​ സെക്രട്ടറിയെ രാജ്​ഭവനിലേക്ക്​ വിളിച്ചുവരുത്തിയാണ്​ ഗവർണർ വിശദീകരണം തേടിയത്​. കോളജ്​ പ്രിൻസിപ്പൽ, കേരള സർവ്വകലാശാല രജ്​സ്​ട്രാർ എന്നീ നിലകളിലുള്ള പരിചയം കണക്കിലെടുത്താണ്​ ഡോമുഹമ്മദ്​ ബഷീറിനെ കാലിക്കറ്റ്​ സർവകലാശാല വൈസ്​ചാൻസലറായി സർക്കാർ ശിപാർശ ​ചെയ്​തത്​.