തുമ്പി ഏബ്രഹാം|
Last Updated:
തിങ്കള്‍, 18 നവം‌ബര്‍ 2019 (11:10 IST)
കുടുംബവഴക്കിനെ തുടർന്ന് ഭർത്താവ് ഭാര്യയെയും മകളെയും വിറക് കമ്പു കൊണ്ടടിച്ച് ഗുരുതരമായി പരിക്കേൽപ്പിച്ചു. വളകോട് ഈട്ടിക്കത്തടത്തിൽ സുരേഷ് നൈനാനാണ്
ഭാര്യ മേഴ്‌സി,
മകൾ മെർലിൻ എന്നിവരെ തലയ്ക്കടിച്ച് പരിക്കേൽപ്പിച്ചത്.
ശനിയാഴ്ച വൈകിട്ട് ഏഴുമണിയോടയാണ് സംഭവം. ടിവി കാണുന്നതിനിടയിൽ ചാനൽ മാറ്റിയതാണ് തർക്കത്തിന് കാരണം. അമ്മയെ വിറകുകൊണ്ടടക്കിക്കുന്നതു കണ്ട മകൾ തടസ്സം പിടിച്ചതോടെ മകളുടെയും തലയ്ക്കടിക്കുകയായിരുന്നു.
സാരമായി പരിക്കേറ്റ ഇരുവരെയും കട്ടപ്പനയിലെ സ്വകാര്യ ആശുപത്രിയിൽ പ്രാഥമിക ചികിത്സ നൽകിയതിനു ശേഷം കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. സുരേഷ് മദ്യലഹരിയിലായിരുന്നു.
