ഹജ്ജ് തീര്‍ത്ഥാടനം സുഗമമാക്കുന്നതിനായി ഓഗസ്റ്റ് 21 മുതല്‍ സെപ്തംബര്‍ അഞ്ച് വരെ കോഴിക്കോട്, മലപ്പുറം, തലശ്ശേരി യൂണിറ്റുകളില്‍ നിന്നും കെ എസ് ആര്‍ ടി സി സ്‌പെഷ്യല്‍ സര്‍വ്വീസുകള്‍ ആരംഭിക്കുമെന്ന് ഗതാഗതമന്ത്രി എ കെ ശശീന്ദ്രന്‍ പറഞ്ഞു.

കോഴിക്കോട് നിന്നും രാവിലെ 09.30, 09.45 എന്നീ സമയക്രമത്തില്‍ നെടുമ്പാശേരി എയര്‍പോര്‍ട്ടിലേക്ക് എ സി ലോ ഫ്‌ളോര്‍ സര്‍വ്വീസും മലപ്പുറത്തു നിന്നും രാവിലെ 09.30, 11.30 മണി സമയക്രമത്തില്‍ കോട്ടക്കല്‍ - തൃശൂര്‍ - നെടുമ്പാശേരിയിലേക്കും, തലശേരി യൂണിറ്റില്‍ നിന്നും പാനൂര്‍ വഴി കോഴിക്കോട് രാവിലെ എത്തിച്ചേരുന്ന രീതിയില്‍ അഡീഷണല്‍ സര്‍വ്വീസും ആരംഭിക്കും.

കൂടാതെ രാവിലെ 8.15 ന് കോഴിക്കോട് നിന്നും കാസര്‍കോടിന് അഡീഷണല്‍ സര്‍വ്വീസും പൊന്നാനിയില്‍ നിന്നും നെടുമ്പാശേരിയിലേയ്ക്ക് സര്‍വ്വീസും ആരംഭിക്കുമെന്നും മന്ത്രി അറിയിച്ചു.