ആലപ്പുഴ|
Last Modified ശനി, 31 മെയ് 2014 (14:43 IST)
പത്താംക്ലാസുകാരിയെ തട്ടിക്കൊണ്ടുപോയി ലൈംഗികമായി പീഡിപ്പിച്ച സംഭവത്തില്‍ യുവാവിനെ പൊലീസ് അറസ്റ്റ് ചെയ്തു. ചേര്‍ത്തല മുനിസിപ്പല്‍ 17-മത് വാര്‍ഡില്‍ ആഞ്ഞിലിപ്പാലത്തിന് സമീപം നെയ്പ്പള്ളി വീട്ടില്‍ ജയരാജ് (20) ആണ് അറസ്റ്റിലായത്.
ചേര്‍ത്തല നഗരത്തിലെ സര്‍ക്കാര്‍ സ്‌കുള്‍ വിദ്യാര്‍ഥിനിയായ പെണ്‍കുട്ടിയെ വശീകരിച്ച് വാടകവീട്ടിലെത്തിച്ച് ലൈംഗികമായി പീഡിപ്പിതായാണ് കേസ്. ബുധനാഴ്ച പെണ്‍കുട്ടിയെ കാണതായായതിനെ തുടര്‍ന്ന് വീട്ടുകാര്‍ പൊലീസില്‍ പരാതി നല്‍കിയിരുന്നു. അന്നു രാത്രി കുറുപ്പംകുളങ്ങരയിലെ വാടകവീട്ടില്‍ പെണ്‍കുട്ടി പീഡനത്തിനിരയായതായി പൊലീസ് പറഞ്ഞു. കെ എസ് ഇ ബി കരാര്‍ത്തൊഴിലാളിയാണ് പ്രതി.
വെള്ളിയാഴ്ച തണ്ണീര്‍മുക്കം കട്ടച്ചിറയില്‍ നിന്ന് പ്രതിയെ പിടികൂടി. പെണ്‍കുട്ടിയെ വൈദ്യപരിശോധനയ്ക്ക് വിധേയയാക്കിയപ്പോള്‍ പീഡനം സ്ഥിരീകരിച്ചതായി പൊലീസ് പറഞ്ഞു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
