അനുബന്ധ വാര്ത്തകള്
- ന്യൂനമര്ദം ഇന്ന് അതിതീവ്രമായേക്കും, ശനിയാഴ്ചയോടെ ചുഴലിക്കാറ്റ്; കേരളത്തില് അതീവ ജാഗ്രത
- ന്യൂനമര്ദം, അതിശക്തമായ മഴ: വിവിധ ജില്ലകളില് റെഡ് അലര്ട്ട് പ്രഖ്യാപിച്ചു
- Alert : അറബിക്കടലില് ന്യൂനമര്ദം രൂപപ്പെട്ടു, ഞായറാഴ്ചയോടെ ചുഴലിക്കാറ്റായി മാറും
- ന്യൂനമര്ദം രൂപപ്പെടുന്നു; കേരളത്തില് ശക്തമായ മഴയ്ക്ക് സാധ്യത, ആശങ്കയായി 'ടൗട്ടെ' ചുഴലിക്കാറ്റ്
- ന്യൂനമര്ദം, ചുഴലിക്കാറ്റ്: കേരളത്തില് പരക്കെ മഴ, തെക്കന് ജില്ലകളില് വെള്ളം കയറി
കനത്ത മഴ; കുട്ടനാട്ടില് പലയിടങ്ങളിലും വെള്ളപ്പൊക്കം
സംസ്ഥാനത്ത് വ്യാപകമായി കനത്ത മഴ. കുട്ടനാട്ടില് പലയിടങ്ങളിലും വെള്ളപ്പൊക്കം. കാവാലംമാണിക്യ മംഗലം പാടശേഖരത്തില് മടവീഴ്ചയുണ്ടായി. പുളിങ്കുന്ന്, നെടുമുടി, ചമ്പക്കുളം, കൈനകരി പഞ്ചായത്തുകളിലാണ് വെള്ളക്കെട്ട് രൂക്ഷമായിരിക്കുന്നത്. കേരളത്തില് താഴ്ന്ന പ്രദേശങ്ങളില് വെള്ളം കയറി തുടങ്ങി. എറണാകുളത്ത് കടല്ക്ഷോഭം ശക്തമായി.
ബംഗാള് ഉള്ക്കടലില് രൂപംകൊണ്ട ന്യൂനമര്ദം ശക്തിപ്രാപിക്കുന്നു. അടുത്ത 12 മണിക്കൂറിനുള്ളില് ന്യൂനമര്ദം അതിതീവ്രമാകും. ശനിയാഴ്ചയോടെ ചുഴലിക്കാറ്റായി മാറാനാണ് സാധ്യത. കേരളത്തില് അതീവ ജാഗ്രതാ നിര്ദേശം പുറപ്പെടുവിച്ചു. തിരുവനന്തപുരം, കൊല്ലം, പത്തനംതിട്ട ജില്ലകളില് ഇന്ന് റെഡ് അലര്ട്ട്. ആലപ്പുഴ, കോട്ടയം, ഇടുക്കി, എറണാകുളം ജില്ലകളില് ഓറഞ്ച് അലര്ട്ട് പ്രഖ്യാപിച്ചിട്ടുണ്ട്. മധ്യ, തെക്കന് കേരളത്തില് അതിശക്തമായ മഴയ്ക്ക് സാധ്യത. കേരളത്തില് പൊതുവെ അതിതീവ്രമഴ, കടല്ക്ഷോഭം, ഇടിമിന്നല് എന്നിവയ്ക്കും മണിക്കൂറില് 60 കിലോമീറ്റര് വരെ വേഗതയുള്ള കാറ്റിനും സാധ്യത. കേരള തീരത്ത് മത്സ്യബന്ധനം പൂര്ണമായി നിരോധിച്ചു. കടല് പ്രക്ഷുബ്ധമാകും. തീരപ്രദേശ മേഖലകളില് കൂടുതല് ജാഗ്രത വേണം.
അതിതീവ്ര മഴയ്ക്കുള്ള (റെഡ് അലര്ട്ട്) സാധ്യതയാണ് കാലാവസ്ഥ വകുപ്പ് പ്രവചിക്കുന്നത്. 24 മണിക്കൂറില് 204 മില്ലി മീറ്ററിന് മുകളിലുള്ള മഴയാണ് അതിതീവ്ര മഴയെന്ന് വിളിക്കുന്നത്. ഇത്തരത്തിലുള്ള മഴ അതീവ അപകടകാരിയാണ്.
വരുന്നു 'ടൗട്ടെ'; ഈ വര്ഷത്തെ ആദ്യ ചുഴലിക്കാറ്റ്
ലക്ഷദ്വീപിനു സമീപം വടക്ക് പടിഞ്ഞാറു ദിശയില് സഞ്ചരിക്കുന്ന ന്യൂനമര്ദം മേയ് 15,16 ഓടെ ഈ വര്ഷത്തെ ആദ്യത്തെ ചുഴലിക്കാറ്റായി മാറാനാണ് സാധ്യത പ്രവചിക്കുന്നത്.
'ടൗട്ടെ' (Taukte) എന്നാണ് ഈ ചുഴലിക്കാറ്റിന്റെ പേര്. മ്യാന്മാര് ആണ് ചുഴലിക്കാറ്റിന് ഈ പേരിട്ടത്. കേരളത്തില് ന്യൂനമര്ദത്തിന്റെ സ്വാധീനത്താല് വരും ദിവസങ്ങളില് ശക്തമായ മഴയ്ക്ക് സാധ്യതയുണ്ട്. ന്യൂനമര്ദത്തിന്റെ സഞ്ചാരപദത്തില് കേരളം ഇല്ലെങ്കിലും ജാഗ്രതാ നിര്ദേശം പുറപ്പെടുവിച്ചിട്ടുണ്ട്. ശക്തമായ കടലാക്രമണത്തിനും തീരപ്രദേശങ്ങളില് ശക്തമായ കാറ്റിനും സാധ്യതയുണ്ട്.
ഉച്ചയോട് കൂടി ആരംഭിക്കുന്ന ശക്തമായ ഇടിമിന്നലോട് കൂടിയ വേനല് മഴ സംസ്ഥാനത്ത് തുടരുകയാണ്. ഇടിമിന്നലിനും ശക്തമായ കാറ്റിനും സാധ്യതയുള്ളതിനാല് സംസ്ഥാന ദുരന്ത നിവാരണ അതോറിറ്റി പുറപ്പെടുവിച്ചിട്ടുള്ള ഇടിമിന്നല്, ശക്തമായ കാറ്റ് ജാഗ്രത നിര്ദേശങ്ങള് പാലിക്കുക. ഇടിമിന്നല് സമയത്ത് പുറത്തിറങ്ങുന്നത് കര്ശനമായി ഒഴിവാക്കുക. കെട്ടിടങ്ങള്ക്ക് അകത്തോ വാഹനങ്ങള്ക്ക് ഉള്ളിലോ സുരക്ഷിതമായി തുടരുക.
