അനുബന്ധ വാര്ത്തകള്
- ഇന്ന് കൊവിഡ് സ്ഥിരീകരിച്ചത് 94 ആരോഗ്യപ്രവര്ത്തകര്ക്ക്; പുതിയതായി ആശുപത്രിയില് പ്രവേശിപ്പിച്ചത് 3677പേരെ
- സംസ്ഥാനത്ത് ഇന്ന് 22,318 പേർക്ക് കൊവിഡ്, 194 മരണം, ടെസ്റ്റ് പോസിറ്റിവിറ്റി നിരക്ക് 16.4
- ന്യൂനപക്ഷ ക്ഷേമ പദ്ധതികളിലെ 80:20 അനുപാതം ഹൈക്കോടതി റദ്ദാക്കി
- ഇതുവരെ ഉത്പാദിപ്പിച്ചത് 6 കോടിയിലധികം കൊവാക്സിൻ ഡോസുകൾ, വിതരണം ചെയ്തത് 2.1 കോടി മാത്രം, കണക്കുകളിൽ പൊരുത്തക്കേട്
- സ്മാർട്ട് കൃഷി ഭവനുകൾ, കെ ഫോൺ നടപ്പിലാക്കും, മത്സ്യത്തൊഴിലാളികളുടെ പുനരധിവാസത്തിന് 2450 കോടി: പിണറായി 2.0 നയപ്രഖ്യാപനം
വിദേശത്ത് പോകുന്നവർക്ക് രണ്ടാം ഡോസ് വാക്സിൻ നേരത്തെ നൽകും, പ്രത്യേക സർട്ടിഫിക്കറ്റ് നൽകും
വിദേശ രാജ്യങ്ങളില് പോകുന്നവര്ക്ക് കോവിഷീല്ഡ് രണ്ടാം ഡോസ് വാക്സിന് നാല് മുതല് ആറ് ആഴ്ച്ചയ്ക്കുള്ളിൽ നൽകാനും പ്രത്യേക വാക്സിനേഷൻ സർട്ടിഫിക്കറ്റ് നൽകാനും ആരോഗ്യവകുപ്പ് മാർഗനിർദേശങ്ങൾ പുറത്തിറക്കി. ആരോഗ്യവകുപ്പ്മന്ത്രി വീണ ജോർജാണ് ഇക്കാര്യം അറിയിച്ചത്.
പല വിദേശരാജ്യങ്ങളും വാക്സിനേഷന് സര്ട്ടിഫിക്കറ്റും സര്ട്ടിഫിക്കറ്റില് പാസ്പോര്ട്ട് നമ്പര് രേഖപ്പെടുത്തണമെന്നതും നിര്ബന്ധമാക്കിയിട്ടുണ്ട്. നിലവിൽ രജിസ്ട്രേഷനായി ആധാര് കാര്ഡ്, മറ്റ് തിരിച്ചറിയല് രേഖകള് ഇവ നല്കിയിട്ടുള്ളവരുടെ സര്ട്ടിഫിക്കറ്റില് അവയാണ് രേഖപ്പെടുത്തുക.
കേന്ദ്ര ആരോഗ്യമന്ത്രാലയത്തിന്റെ മാർഗനിർദേശപ്രകാരം രണ്ടാം ഡോസ് കോവിഷീല്ഡ് വാക്സിന് 12 മുതല് 16 ആഴ്ചക്കുള്ളിലാണ് എടുക്കാനാവുക. ഇത് വിദേശങ്ങളിൽ ജോലിക്കും പഠനത്തിനുമായി പോകുന്നവര്ക്ക് വളരെയധികം ബുദ്ധിമുട്ട് ഉണ്ടാക്കിയിട്ടുണ്ട്. ഇതിന്റെ അടിസ്ഥാനത്തിലാണ് സംസ്ഥാന സര്ക്കാര് പുതിയ മാര്ഗനിര്ദേശം പുറത്തിറക്കിയത്.
വിദേശ രാജ്യങ്ങളിലേക്ക് ജോലിക്കോ പഠനത്തിനോ ആയി പോകുന്നവര്ക്ക് വാക്സിനേഷന് സര്ട്ടിഫിക്കറ്റ് പ്രത്യേക ഫോർമാറ്റിലാകും നൽകുക.ഈ സര്ട്ടിഫിക്കറ്റില് പാസ്പോര്ട്ട് നമ്പര് രേഖപ്പെടുത്തും. ജില്ലാ മെഡിക്കല് ഓഫീസറെയാണ് ഈ സര്ട്ടിഫിക്കറ്റ് നല്കാനായി ചുമതലപ്പെടുത്തിയിട്ടുള്ളത്.
അടുത്ത ലേഖനം
