അനുബന്ധ വാര്ത്തകള്
- സംസ്ഥാനത്ത് ഇന്ന് കൊവിഡ് സ്ഥിരീകരിച്ചത് 5297 പേര്ക്ക്; മരണം 78
- രാജ്യത്ത് പുതിയതായി കൊവിഡ് സ്ഥിരീകരിച്ചത് 12,514 പേര്ക്ക്; മരണം 251
- ലൈഫ് ഇൻഷുറൻസ് പോളിസിയുടെ പ്രീമിയം വർധിക്കാൻ സാധ്യത, 25 മുതൽ 40 വരെ നിരക്ക് ഉയരും
- സംസ്ഥാനത്ത് ഇന്ന് 7167 പേർക്ക് കൊവിഡ്, ആകെ മരണം 31,681 ആയി
- കൊവിഡ് സിനിമാവ്യവസായത്തെ ബാധിച്ചപ്പോൾ പിടിച്ച് നിന്നത് മലയാളം മാത്രം: സുഹാസിനി
കോവിഡ് ബാധിച്ച് മരിച്ചവരുടെ കുടുംബത്തിനുള്ള ധനസഹായം; വെബ്സൈറ്റ് സജ്ജം, അപേക്ഷിക്കാന് ചെയ്യേണ്ടത് ഇത്രമാത്രം
കോവിഡ് ബാധിച്ച് മരിച്ചവരുടെ കുടുംബങ്ങള്ക്ക് സര്ക്കാര് പ്രഖ്യാപിച്ചിട്ടുള്ള സഹായധനത്തിന് അപേക്ഷിക്കാനുള്ള വെബ്സൈറ്റ് സജ്ജമായി. relief.kerala.gov.in എന്ന് വെബ്സൈറ്റ് വഴി അപേക്ഷിക്കാമെന്ന് ലാന്ഡ് റവന്യൂ കമ്മിഷണര് അറിയിച്ചു.
കോവിഡ് ബാധിച്ച് മരിച്ചയാളുടെ മരണ സര്ട്ടിഫിക്കറ്റ്, (ഐ.സി.എം.ആര്. നല്കിയത്), ഡെത്ത് ഡിക്ലറേഷന് ഡോക്യുമെന്റ്, അപേക്ഷകന്റെ റേഷന് കാര്ഡ്, ആധാര് കാര്ഡ്, ബാങ്ക് പാസ്ബുക്ക് എന്നിവയുടെ പകര്പ്പുകള്, അനന്തരാവകാശ സര്ട്ടിഫിക്കറ്റ് ലഭ്യമാണെങ്കില് അതിന്റെ പകര്പ്പ് എന്നിവ സഹിതമാണ് അപേക്ഷ സമര്പ്പിക്കേണ്ടത്. പേരും മൊബൈല് നമ്പറും നല്കിയാല് ലഭിക്കുന്ന ഒ.ടി.പി. നമ്പര്കൂടി നല്കി അപേക്ഷ ഓണ്ലൈനായി സമര്പ്പിക്കാനാകും. അപേക്ഷകന് ലഭിച്ചിട്ടുള്ള ഡെത്ത് ഡിക്ലറേഷന് നമ്പര് ഉപയോഗിച്ച് വിവരങ്ങള് ചേര്ക്കാം.
ബന്ധപ്പെട്ട വില്ലേജ് ഓഫീസര് ഈ രേഖകളും വിവരങ്ങളും പരിശോധിച്ച് ജില്ലാ ദുരന്തനിവാരണ അതോറിറ്റിക്ക് റിപ്പോര്ട്ട് നല്കുന്ന മുറയ്ക്ക് അപേക്ഷയ്ക്ക് അന്തിമ അംഗീകാരം ലഭിക്കും.
50,000 രൂപയാണ് സര്ക്കാര് പ്രഖ്യാപിച്ചിരിക്കുന്ന ധനസഹായം. തുക അപേക്ഷകരുടെ ബാങ്ക് അക്കൗണ്ടിലേക്കാണ് എത്തുക.
