അനുബന്ധ വാര്ത്തകള്
- കൊവിഡ് ചികിത്സ; ഒരാൾക്ക് ചിലവ് 2 ലക്ഷം, സ്വകാര്യ ആശുപത്രിയിലാണെങ്കിൽ 15ലക്ഷം!
- രാവിലെ വീടിനു മുന്നിൽ തെളിഞ്ഞത് ഹിമാലയം, അന്തംവിട്ട് ജലന്ധർ നിവാസികൾ; ലോക്ക് ഡൗണിനു നന്ദി
- കൊവിഡ് 19: രാജ്യത്തെ സ്ഥിതിഗതികൾ വിലയിരുത്തി പ്രധാനമന്ത്രി, ആറ് മണിക്ക് കേന്ദ്രമന്ത്രിമാരുടെ പ്രത്യേകയോഗം
- ലോക്ഡൗൺ ലംഘിച്ച് കറങ്ങി നടന്ന് അച്ഛൻ, പൊലീസിനെ വിളിച്ച് മകൻ, പിന്നീട് സംഭവിച്ചത് ഇങ്ങനെ
- 'ഇതിലും ഭേദം ശരീരം വിറ്റ് ജീവിക്കുന്നതാണ്, ആണായാലും പെണ്ണായാലും'; രൂക്ഷ വിമർശനവുമായി പ്രതിഭ എം എൽ എ
കേരളത്തിൽ രോഗം സ്ഥിരീകരിച്ചത് 306 പേർക്ക്, 50 പേർക്ക് ഭേദമായി; ചികിത്സയിലുള്ളത് 254 പേർ
സംസ്ഥാനത്ത് ഇതുവരെ കൊവിഡ് 19 സ്ഥിരീകരിച്ചത് 306 പേർക്കാണ്. ഇതിൽ 50 പേർ രോഗം ഭേദമായി വീടുകളിലേക്ക് മടങ്ങി. ഡിസ്ചാർജ് ആയവർ വീടുകളിൽ നിരീക്ഷണത്തിലാണ്. ശനിയാഴ്ച കേരളത്തില് എട്ടു പേരുടെ പരിശോധനാഫലം നെഗറ്റീവ് ആയി. കണ്ണൂര് ജില്ലയില് നിന്ന് 7 പേരുടെയും തിരുവനന്തപുരം ജില്ലയിൽ ഒരാൾക്കും രോഗം ഭേദമായി. രണ്ട് പേർ മരിച്ചു.
ഇന്ന് 11 പേർക്ക് രോഗം സ്ഥിരീകരിച്ചു. ഇതോടെ 254 പേരാണ് സംസ്ഥാനത്ത് കൊവിഡ് 19 നെ തുടർന്ന് ചികിത്സയിലുള്ളത്. കാസർകോട് ജില്ലയിൽ ആറ് പേർക്കും.കൊല്ലം, ആലപ്പുഴ, എറണാകുളം, പാലക്കാട്, കണ്ണൂര് ജില്ലകളില് നിന്നുള്ള ഓരോരുത്തര്ക്കുമാണ് രോഗം സ്ഥിരികരിച്ചിരിക്കുന്നത്. രോഗം സ്ഥിരീകരിച്ചവരിൽ 5പേർ ദുബായിൽ നിന്നും മൂന്ന് പേർ നിസാമുദ്ദീനിൽ നിന്നും വന്നവരാണ്.
കേരളത്തിൽ ആകെ 1,71,355 പേരാണ് നിരീക്ഷണത്തിലുള്ളത്.ഇവരില് 1,70,621 പേര് വീടുകളിലും 734 പേര് ആശുപത്രികളിലും നിരീക്ഷണത്തിലാണ്. ഇന്ന് 174 പേരെയാണ് പുതുതായി ആശുപത്രിയിൽ പ്രവേശിപ്പിച്ചത്.
