മുൻ മന്ത്രിയും കോൺഗ്രസ് നേതാവുമായ ആര്യാടൻ മുഹമ്മദ് അന്തരിച്ചു
കോൺഗ്രസ് നേതാവും മുൻ മന്ത്രിയുമായ ആര്യാടൻ മുഹമ്മദ് അന്തരിച്ചു. 87 വയസ്സായിരുന്നു. കോഴിക്കോട് ചികിത്സയിലിരിക്കെ ഞായറാഴ്ച രാവിലെയോടെയായിരുന്നു അന്ത്യം.
8 തവണ നിലമ്പൂരിൽ നിന്നും എംഎൽഎയായിരുന്നു. ഏഴ് പതിറ്റാണ്ട് കാലം നീണ്ട രാഷ്ട്രീയ ജീവിതത്തിൽ 3 മന്ത്രിസഭകളിൽ അംഗമായിരുന്നു. 2011ലെ ഉമ്മൻ ചാണ്ടി സർക്കാരിലെ വൈദ്യുതമന്ത്രിയായിരുന്നു.
