അനുബന്ധ വാര്ത്തകള്
- ക്രൂരമായി കൊലപ്പെടുത്തിയ ശേഷം മൃതദേഹത്തിനു ചുറ്റും 500 രൂപയുടെ നോട്ടുകള് വിതറി; കൊലയ്ക്കു മുന്പ് ഇഷ്ടഭക്ഷണം
- ആശാവര്ക്കര്മാരുടെ സമരത്തിന് പിന്നില് അരാജക ശക്തികളെന്ന് എം വി ഗോവിന്ദന്; ആശാവര്ക്കര്മാര് ബിജെപിയുടെ ചട്ടുകമായി മാറിയെന്നാണ് പികെ ശ്രീമതി
- തദ്ദേശ ഉപതെരഞ്ഞെടുപ്പില് എല്ഡിഎഫിന് നേട്ടം; ഒരു സീറ്റും നേടാതെ ബിജെപി
- Bank Holiday: നാളെ ബാങ്ക് അവധി
- സമരം ചെയ്യുന്ന ആശാവര്ക്കര്മാര് ഉടന് ജോലിയില് പ്രവേശിക്കണം; നാഷണല് ഹെല്ത്ത് മിഷന് സ്റ്റേറ്റ് ഡയറക്ടറുടെ അന്ത്യശാസനം
തദ്ദേശ ഉപതിരഞ്ഞെടുപ്പിലെ വിജയം കേരളത്തിലെ ജനങ്ങളുടെ നിലപാട് വ്യക്തമാക്കുന്നു: സിപിഎം
തദ്ദേശ സ്വയംഭരണ തിരഞ്ഞെടുപ്പ് പടിവാതില്ക്കലെത്തിനില്ക്കെ കേരളത്തില് 30 തദ്ദേശ സ്വയംഭരണ വാര്ഡുകളിലേക്ക് നടന്ന ഉപതിരഞ്ഞെടുപ്പില് എല്ഡിഎഫിന് 17 സീറ്റിലും വിജയം
തദ്ദേശ ഉപതിരഞ്ഞെടുപ്പിലെ മുന്നേറ്റം കേരളത്തിലെ ജനങ്ങളുടെ നിലപാട് വ്യക്തമാക്കുന്നതാണെന്ന് സിപിഎം. ഇടതുപക്ഷത്തിനെതിരായ വ്യാജ പ്രചരണങ്ങളെ ജനങ്ങള് തള്ളിക്കളഞ്ഞതിന്റെ തെളിവാണ് ഈ വിജയമെന്നും സിപിഎം പ്രസ്താവനയില് പറയുന്നു.
സിപിഎം പ്രസ്താവന പൂര്ണരൂപം
തദ്ദേശ സ്വയംഭരണ തിരഞ്ഞെടുപ്പ് പടിവാതില്ക്കലെത്തിനില്ക്കെ കേരളത്തില് 30 തദ്ദേശ സ്വയംഭരണ വാര്ഡുകളിലേക്ക് നടന്ന ഉപതിരഞ്ഞെടുപ്പില് എല്ഡിഎഫിന് 17 സീറ്റിലും വിജയം. ഇടതുപക്ഷ ജനാധിപത്യ മുന്നണിക്കുണ്ടായ മികച്ച മുന്നേറ്റം കേരളത്തിലെ ജനങ്ങളുടെ നിലപാട് വ്യക്തമാക്കുന്നതാണ്.
തിരുവനന്തപുരം കോര്പ്പറേഷനിലെ ഒരു വാര്ഡ് ഉള്പ്പെടെ 13 ജില്ലകളിലായി രണ്ട് ബ്ലോക്ക്പഞ്ചായത്ത് വാര്ഡുകള്, മൂന്ന് മുനിസിപ്പാലിറ്റി വാര്ഡുകള്, 24 ഗ്രാമപഞ്ചായത്ത് വാര്ഡുകള് എന്നിവയിലാണ് ഉപതിരഞ്ഞെടുപ്പ് നടന്നത്. ഗ്രാമപഞ്ചായത്തില് 24 വാര്ഡില് 13 വാര്ഡിലും എല്ഡിഎഫ് വിജയിച്ചു. തിരുവനന്തപുരം പൂവച്ചല് പഞ്ചായത്തിലെ പുളിങ്കോട് വാര്ഡും ഇടുക്കി പഞ്ചായത്ത് വാത്തുക്കുടി വാര്ഡും എറണാകുളം പൈങ്ങോട്ടൂര് പഞ്ചായത്ത് പനങ്കര വാര്ഡും യുഡിഎഫില്നിന്ന് എല്ഡിഎഫ് പിടിച്ചെടുത്തു. കാസര്കോട് ജില്ലയിലെ രണ്ട് വാര്ഡുകളില് നേരത്തെ തന്നെ എല്ഡിഎഫ് എതിരില്ലാതെ വിജയിച്ചിരുന്നു.
എല്ഡിഎഫ് സര്ക്കാരിനും ഇടതുമുന്നണിക്കും എതിരായി നടക്കുന്ന വ്യാജപ്രചരണങ്ങളെ വോട്ടര്മാര് തള്ളിക്കളഞ്ഞതിന്റെ തെളിവാണ് എല്ഡിഎഫ് വിജയം.
