അനുബന്ധ വാര്ത്തകള്
- സര്ജറി ചെയ്തിട്ടില്ല, ദൈവം തന്നതല്ലാതെ എനിക്കൊന്നും തന്നെ കൂടുതലില്ല: ഹണി റോസ്
- മധുരയില് മാരത്തണ് ഓടിയ ശേഷം 20കാരനായ വിദ്യാര്ത്ഥി ഹൃദയാഘാതം വന്ന് മരിച്ചു
- എടവണ്ണയിലെ സദാചാര ആക്രമണം: സിപിഎം ലോക്കൽ സെക്രട്ടറി ഉൾപ്പടെ അഞ്ച് പേർ അറസ്റ്റിൽ
- തലസ്ഥാനത്ത് വീണ്ടും തെരുവുനായ ആക്രമണം: മൂന്നുവയസുകാരിയുടെ മുഖം കടിച്ചുപറിച്ചു, കുട്ടിക്ക് പ്ലാസ്റ്റിക് സര്ജറി നിര്ദേശിച്ചു
- തിരുവനന്തപുരത്ത് നാലു വയസ്സുകാരിയെ കടിച്ച നായയ്ക്ക് പേവിഷബാധ സ്ഥിരീകരിച്ചു
വൃദ്ധയെ ആക്രമിച്ചു ഒമ്പത് പവന്റെ സ്വർണ്ണാഭരണം കവർന്ന ഓട്ടോറിക്ഷാ ഡ്രൈവർ പിടിയിൽ
ആലപ്പുഴ: വൃദ്ധയെ ആക്രമിച്ചു ഒമ്പത് പവന്റെ സ്വർണ്ണാഭരണം കവർന്ന ഓട്ടോറിക്ഷാ ഡ്രൈവർ പിടിയിലായി. ഹരിപ്പാട് പത്തിയൂർ ഏവൂർ തെക്കുംമുറിയിൽ ശ്രീകൃഷ്ണ ഭവനത്തിൽ രാമചന്ദ്രൻ പിള്ളയുടെ ഭാര്യ രാധമ്മയെ (73) ആക്രമിച്ചു സ്വർണ്ണം തട്ടിയെടുത്ത കേസിൽ ചേപ്പാട് മുട്ടം തേലശേരിൽ തെക്കേതിൽ വീട്ടിൽ ബിജികുമാർ (49) ആണ് പോലീസ് പിടിയിലായത്.
കഴിഞ്ഞ വെള്ളിയാഴ്ച ഉച്ചയോടെ വീട്ടിനുള്ളിൽ കയറി ഒളിച്ചിരുന്ന പ്രതി രാധമ്മയെ ഉപദ്രവിക്കുകയും മാല, നാല് വളകൾ എന്നിവ തട്ടിയെടുക്കുകയുമായിരുന്നു. ഇയാൾ മുമ്പ് കുവൈറ്റിൽ അമേരിക്കൻ ആർമി ബേസിൽ ഡ്രൈവർ ജോലി ചെയ്തിരുന്നു. പിന്നീട് ചൂണ്ടുപലക ജംഗ്ഷനിൽ ഓട്ടോറിക്ഷാ ഓടിക്കുകയായിരുന്നു.
രാധമ്മയുടെ വായിൽ തുണി തിരുകിയ ശേഷം അടിച്ചു പരിക്കേൽപ്പിക്കുകയും ചെയ്തു. പരാതിയെ തുടർന്ന് കരീലകുളങ്ങര പൊലീസാണ് അന്വേഷണം നടത്തി പ്രതിയെ പിടികൂടിയത്. ഇയാൾ മഴിഞ്ഞ മെയ് മാസം ബന്ധുവായ ചേപ്പാട് തെക്കേവീട്ടിൽ കുസുമം എന്ന 85 കാരിയെ ആക്രമിച്ചു ഒന്നര പവന്റെ സ്വർണ്ണമാല കവർന്ന കേസിലും പ്രതിയാണ്.
