തലസ്ഥാനത്ത് വീണ്ടും തെരുവുനായ ആക്രമണം: മൂന്നുവയസുകാരിയുടെ മുഖം കടിച്ചുപറിച്ചു, കുട്ടിക്ക് പ്ലാസ്റ്റിക് സര്ജറി നിര്ദേശിച്ചു
തലസ്ഥാനത്ത് വീണ്ടും തെരുവുനായ ആക്രമണം. വീട്ടുമുറ്റത്തു നിന്ന മൂന്നുവയസുകാരിയായ കുട്ടിയുടെ മുഖത്താണ് നായ കടിച്ചത്. ഇന്നു രാവിലെ തെരുവുനായയുടെ ആക്രമണത്തില് പരിക്കേറ്റ കുട്ടിയുടെ വീടിനു സമീപത്താണ് വീണ്ടും ആക്രമണം ഉണ്ടായത്. കുട്ടിയെ എസ്എടി ആശുപത്രിയിലേക്ക് പ്രവേശിപ്പിച്ചു.
സംഭവത്തില് ഇപ്പോള് കുഞ്ഞിന് പ്ലാസ്റ്റിക് സര്ജറി നിര്ദ്ദേശിച്ചു. കുഞ്ഞിനെ മെഡിക്കല്കോളേജിലേക്ക് എസ്എടിയില് നിന്നും റഫര് ചെയ്തു. അവിടെ ഡോക്ടറെ കാണിച്ചപ്പോഴും പ്ലാസ്റ്റിക് സര്ജറി അടിയന്തിരമായി ചെയ്യണമെന്ന് പറഞ്ഞു. കുഞ്ഞിനെ കിംസിലേക്ക് കൊണ്ടുപോയിട്ടുണ്ട്.
