ആലുവ|
സജിത്ത്|
Last Modified ബുധന്‍, 13 ഏപ്രില്‍ 2016 (10:53 IST)
പെരുമ്പാവൂരില്‍ മറിഞ്ഞ തടി ലോറിക്കടിയില്‍പ്പെട്ട് സ്‌കൂട്ടറില്‍ സഞ്ചരിച്ച സ്ത്രീ മരിച്ചു. പെരുമ്പാവൂര്‍ ധര്‍മശാസ്താ ക്ഷേത്രത്തിന് സമീപം കൊറ്റയാംപുരത്ത് ശശിധരന്‍ നായരുടെ ഭാര്യ ഗീത (55) ആണ് മരിച്ചത്.
സ്‌കൂട്ടര്‍ ഓടിച്ച പെരുമ്പാവൂര്‍ സ്വദേശിനി ലതയെ അങ്കമാലിയിലെ സ്വകാര്യ ആസ്പത്രിയില്‍ പ്രവേശിപ്പിച്ചു. പെരുമ്പാവൂര്‍ ക്ഷേത്രത്തിന് സമീപം എം സി റോഡില്‍ ഇന്ന് രാവിലെ ആറിനായിരുന്നു അപകടം നടന്നത്.
ക്ഷേത്രത്തിലേക്ക് പോയ സ്ത്രീകളാണ് അപകടത്തില്‍പ്പെട്ടത്. സ്‌കൂട്ടറില്‍ ഇടിച്ചശേഷം തടിലോറി മറിഞ്ഞു. സ്‌കൂട്ടറില്‍ സഞ്ചരിച്ച രണ്ട് സ്ത്രീകളും ലോറിക്കടിയില്‍പ്പെടുകയായിരുന്നു. പൊലീസും ഫയര്‍ഫോഴ്‌സും നാട്ടുകാരും ചേര്‍ന്ന് രക്ഷാപ്രവര്‍ത്തനം നടത്തിയെങ്കിലും ഗീതയുടെ ജീവന്‍ രക്ഷിക്കാന്‍ സാധിച്ചില്ല.
ഒരു സമ്പൂര്‍ണ വായനാനുഭവത്തിന് മലയാളം വെബ്‌ദുനിയ ആപ്പ്
ഇവിടെ ഡൌണ്‍‌ലോഡ് ചെയ്യാം
