നടിയെ ആക്രമിച്ച കേസില്‍ താരങ്ങളായ സിദ്ദിക്കും ഭാമയും കൂറുമാറി. താരസംഘടനയായ ‘അമ്മ’യുടെ സ്റ്റേജ് പരിപാടിയുടെ റിഹേഴ്‌സല്‍ സമയത്ത് ദിലീപും ആക്രമിക്കപ്പെട്ട നടിയും തമ്മില്‍ തര്‍ക്കമുണ്ടായെന്ന് ഇവര്‍ മുന്‍‌പ് മൊഴി നല്‍കിയിരുന്നു. എന്നാല്‍ കോടതിയില്‍ ഇവര്‍ ഇക്കാര്യം സ്ഥിരീകരിക്കാന്‍ തയ്യാറായില്ല.

ഇതോടെ, സിദ്ദിക്കും ഭാമയും കൂറുമാറിയതായി പ്രഖ്യാപിക്കണമെന്ന് കോടതിയില്‍ പ്രോസിക്യൂഷന്‍ ആവശ്യപ്പെട്ടു.

സിദ്ദിക്കിന്‍റെയും ഭാമയുടെയും നിലപാട് കേസില്‍ ദിലീപിന് സഹായകരമായി മാറുമെന്നാണ് വിലയിരുത്തല്‍.