അനുബന്ധ വാര്ത്തകള്
- യുഎഇയില് വധശിക്ഷ നടപ്പിലാക്കിയ രണ്ട് മലയാളികളുടെ മൃതദേഹം നാട്ടിലെത്തിക്കാന് ശ്രമം തുടരുന്നു
- തിരുവനന്തപുരത്ത് പത്താം ക്ലാസ് വിദ്യാര്ത്ഥിനി വീട്ടില് തൂങ്ങിമരിച്ച നിലയില്
- തളർന്ന് കേരളം, ചൂട് ഇന്ന് കനക്കും; അൾട്രാവയലറ്റ് കിരണങ്ങളുടെ തോത് അപകടകരമായ നിലയിലെന്ന് മുന്നറിയിപ്പ്
- വാളയാര് കേസ്: മരണപ്പെട്ട പെണ്കുട്ടികളുടെ മാതാപിതാക്കളെ കേസില് പ്രതിചേര്ക്കണമെന്ന് സിബിഐ വിചാരണ കോടതിയില്
- Attukal Pongala: ആറ്റുകാൽ പെങ്കാല: ഒരുക്കങ്ങൾ വിലയിരുത്താൻ മുഖ്യമന്ത്രിയുടെ നേതൃത്വത്തിൽ അവലോകന യോഗം ചേർന്നു
ചോദ്യപേപ്പർ ചോർച്ച: എം എസ് സൊല്യൂഷൻസ് സിഇഒ മുഹമ്മദ് ഷുഹൈബ് കീഴടങ്ങി
ചോദ്യപേപ്പര് ചോര്ച്ച കേസില് എം എസ് സൊല്യൂഷന്സ് സിഇഒ മുഹമ്മദ് ഷുഹൈബ് കീഴടങ്ങി. കോഴിക്കോട് ക്രൈംബ്രാഞ്ച് ഓഫീസില് എത്തിയാണ് മുഹമ്മദ് ഷുഹൈബ് കീഴടങ്ങിയത്. ഹൈക്കോടതി മുന്കൂര് ജാമ്യം നിഷേധിച്ചതിന് തൊട്ടുപിന്നാലെയാണ് കീഴടങ്ങല്. എം എസ് സൊല്യൂഷന് ചോദ്യപേപ്പര് ചോര്ത്തിയ എയ്ഡഡ് സ്കൂളിലെ പ്യൂണിനെ ക്രൈംബ്രാഞ്ച് കഴിഞ്ഞ ദിവസം അറസ്റ്റ് ചെയ്തിരുന്നു.ഇതിന് പിന്നാലെയാണ് കീഴടങ്ങല്.
ഇന്ന് രാവിലെ ഹൈക്കോടതി മുഹമ്മദ് ഷുഹൈബിന്റെ ജാമ്യാപേക്ഷ തള്ളിയിരുന്നു. ക്രിസ്മസ് പത്താം ക്ലാസ് പരീക്ഷാ ചോദ്യപേപ്പര് ചോര്ച്ച കേസില് മുഹമ്മദ് ഷുഹൈബിന്റെ മുന്കൂര് ജാമ്യ അപേക്ഷ നേരത്തെ കോഴിക്കോട് ജില്ലാ കോടതിയും തള്ളിയിരുന്നു. ഇതിനെ തുടര്ന്നാണ് ഹൈക്കോടതിയെ സമീപിച്ചത്. പ്ലസ് വണ് കണക്ക് പരീക്ഷയുടെയും എസ്എസ്എല്സി ഇംഗ്ലീഷ് പരീക്ഷയുടെയും ചോദ്യങ്ങള് എം എസ് സൊല്യൂഷന്സിലൂടെ ചോര്ന്നതില് കേസ് അന്വേഷണം തുടരുകയാണ്. മലപ്പുറം മേല്മുറിയിലെ അണ് എയ്ഡഡ് സ്കൂളിലെ പ്യൂണ് വഴിയായിരുന്നു ക്രിസ്മസ് പരീക്ഷ ചോദ്യപേപ്പര് ചോര്ന്നത്.
