ഡൽഹി: അപേക്ഷ നല്‍കി വെറും നാലുമണിക്കൂറിനുള്ളിൽ പാൻ‌കാർഡ് ലഭ്യമാക്കുന്ന പുത്തൻ സംവിധാനവുമായി ആദായ നികുതി വകുപ്പ്. പാൻ‌കാർഡ് ആളുകളിലേക്ക് എത്തിക്കുന്നത് കൂടുതൽ ലളിതമാക്കുന്നതിന്റെ ഭാഗമായാണ് നടപടി. ഒരു വർഷത്തിനുള്ളിൽ ഈ പദ്ധതി നടപ്പിലാക്കാനാകുമെന്ന് പ്രത്യക്ഷ നികുതി ബോര്‍ഡ് ചെയര്‍മാന്‍ സുശീല്‍ ചന്ദ്ര വ്യക്തമാക്കി.

ആദായ നികുതി രംഗത്ത് കൂടുതൽ മാറ്റങ്ങൾക്കും കേന്ദ്ര സർക്കാർ തയ്യാറെടുക്കുകയാണ്. റിട്ടേണ്‍ ഫയല്‍ ചെയ്യല്‍, ടാക്സ് പ്രീ പെയ്മെന്‍റ്, റീഫണ്ട് റിട്ടേണിന്‍റെ സൂക്ഷ്മ പരിശോധന തുടങ്ങിയ എളുപ്പത്തിലാക്കുന്ന ഓട്ടോമേഷൻ സംവിധാനവും കേന്ദ്രം ഉടൻ തന്നെ നടപ്പിലാക്കും. പാൻ കാർഡ് കാര്യക്ഷമായി വിതരണം ചെയ്യാൻ തുടങ്ങിയതോടെ റിട്ടേൺ ഫയൽ ചെയ്യുന്നവരുടെ എണ്ണത്തിൽ വലിയ വർധനവാണ് ഉണ്ടായിരിക്കുന്നത്.