അനുബന്ധ വാര്ത്തകള്
- ഊർജമേഖലയിൽ ശ്രദ്ധ തിരിക്കാൻ തീരുമാനം, അമേരിക്കൻ കമ്പനിയെ ഏറ്റെടുത്ത് റിലയൻസ്
- വോഡാഫോൺ-ഐഡിയ പ്രതിസന്ധി: സർക്കാരിന് നഷ്ടമാവുക 1.6 ലക്ഷം കോടി
- സ്മാർട്ട് ഫോണുകൾക്കായി ഇ-കൊമേഴ്സ് പ്ലാറ്റ്ഫോമുമായി ജിയോമാർട്ട് ഡിജിറ്റൽ സ്റ്റോർ
- അതിർത്തികളിൽ നിരീക്ഷണം ശക്തമാക്കാനൊരുങ്ങി ഇന്ത്യ, ജിയോ ഇമേജിങ് ഉപഗ്രഹം ജിസാറ്റ് 1ന്റെ വിക്ഷേപണം ഓഗസ്റ്റ് 12ന്
- ലാഭമെടുപ്പ് വിപണിയെ തളർത്തി, നിഫ്റ്റി 15,850ന് താഴെ ക്ലോസ് ചെയ്തു
മാർച്ചിൽ 5.96 എംബിപിഎസ് ജൂണിൽ 13.08: ജിയോയുടെ ഇന്റർനെറ്റ് വേഗതയിൽ കുത്തനെ കുതിപ്പ്
റിലയൻസ് ജിയോയുടെ ഇന്റർനെറ്റ് വേഗത കുത്തനെ കൂടിയതായി ഓക്ലയുടെ റിപ്പോർട്ട്. റിപ്പോർട്ട് പ്രകാരം കൂൺ മാസത്തിൽ റിലയൻസ് ജിയോ മീഡിയൻ ഡൗൺലോഡ് വേഗം 13.08 എംബിപിഎസാണ്. 2021 മാർച്ചിൽ ഇത് 5.96 എംബിപിഎസ് ആയിരുന്നു. അതേസമയം ട്രായിയുടെ കണക്കുകളിൽ ജിയോയുടെ ഡൗൺലോഡ് വേഗം 18 എംബിപിഎസിന് മുകളിലാണ്.
നാലുമാസത്തിനിടെ പത്തിരട്ടിയാണ് ജിയോയുടെ ഡൗൺലോഡ് വേഗതയിലുണ്ടായത്. ജിയോ അധിക സ്പെക്ട്രം വിന്യസിച്ചതാണ് ഇതിന്റെ കാരണമെന്ന് റിപ്പോർട്ടിൽ പറയുന്നു. ജിയോ ഈ വർഷം ഏകദേശം 58,000 കോടി രൂപയ്ക്ക് വാങ്ങിയ അധിക സ്പെക്ട്രം വിവിധ ടെലികോം സർക്കിളുകളിലായി ഉപയോഗപ്പെടുത്തുന്നുണ്ട്.
ഇന്ത്യയിൽ 5ജി വരുന്നതോടെ ശരാശരി ഡൗൺലോഡ് വേഗം പത്ത് മടങ്ങ് വർധിക്കുമെന്നും ഓക്ലയുടെ റിപ്പോർട്ടിൽ പറയുന്നു. മറ്റ് ഏഷ്യൻ രാജ്യങ്ങളിൽ 5ജി നിലവിൽ വന്നപ്രകാരമുണ്ടായ ഡേറ്റ അനുസരിച്ചാണ് ഓക്ല ഇക്കാര്യം പറയുന്നത്. നിലവിലെ 4ജി വേഗത പരിഗണിക്കുമ്പോള് ജിയോയുടെ 5ജി വേഗം 130 എംബിപിഎസ് ആയേക്കുമെന്ന് റിപ്പോര്ട്ട്.
