അനുബന്ധ വാര്ത്തകള്
- Shashank Singh: ആളുമാറി ലേലത്തില് വിളിച്ചു, ഇന്നിപ്പോ പഞ്ചാബിന്റെ എക്സ് ഫാക്ടര്; ശശാങ്ക് സിങ് ഹീറോയാഡാ !
- KGF എന്നൊക്കെ പറയും, പക്ഷേ കളിക്കുന്നത് K മാത്രം; ആര്സിബിയുടെ അവസ്ഥ ദയനീയം !
- Riyan Parag: 'പാന്പരാഗ് മോന് പോയി വല്ല കണ്ടം ക്രിക്കറ്റ് കളിക്ക്'; അന്ന് ട്രോളിയവര് എവിടെ? മധുരപ്രതികാരം സാക്ഷാല് കോലിയെ മറികടന്ന് !
- Sanju Samson: ഗോട്ട് ലെവല് ക്യാപ്റ്റന്സി, ചെയ്തത് ധോണിയായിരുന്നെങ്കില് എല്ലാവരും പുകഴ്ത്തിയേനെ; സഞ്ജു സൂപ്പറെന്ന് ആരാധകര്
- Rajasthan Royals: സഞ്ജുവിന്റെ രാജസ്ഥാന് റോയല് തന്നെ ! തുടര്ച്ചയായ രണ്ടാം ജയം
Rohit Sharma: കേട്ടത് സത്യം തന്നെ ! ഹാര്ദിക്കിന്റെ ക്യാപ്റ്റന്സിയില് അതൃപ്തനായ രോഹിത് മുംബൈ വിടും; നായകസ്ഥാനം വാഗ്ദാനം ചെയ്യുന്ന ഫ്രാഞ്ചൈസിയിലേക്ക്
ഹാര്ദിക്കിനെ പിന്തുണച്ച് ഒരു വാര്ത്താസമ്മേളനം നടത്താന് ടീം മാനേജ്മെന്റ് ആവശ്യപ്പെട്ടെങ്കിലും രോഹിത് അതിനു തയ്യാറായിട്ടില്ല
Rohit Sharma: രോഹിത് ശര്മ മുംബൈ ഇന്ത്യന്സ് വിടാന് ഒരുങ്ങുന്നു. ഈ സീസണ് പൂര്ത്തിയായാല് താരം മുംബൈയുമായുള്ള ബന്ധം അവസാനിപ്പിക്കും. നായകസ്ഥാനം വാഗ്ദാനം ചെയ്യുന്ന മറ്റൊരു ഫ്രാഞ്ചൈസിയിലേക്ക് പോകാനാണ് താരത്തിനു താല്പര്യം. ഹാര്ദിക് പാണ്ഡ്യയുടെ ക്യാപ്റ്റന്സിക്ക് കീഴില് രോഹിത് തൃപ്തനല്ലെന്നും മുംബൈ വിടാന് ഒരുങ്ങുന്നുവെന്നും ന്യൂസ് 24 സ്പോര്ട്സ് കഴിഞ്ഞ ദിവസം റിപ്പോര്ട്ട് ചെയ്തിരുന്നു. ഇത് ശരിവയ്ക്കുന്ന കാര്യങ്ങളാണ് മുംബൈ ഇന്ത്യന്സ് ക്യാംപില് നടക്കുന്നത്.
ഡ്രസിങ് റൂമില് ഗ്രൂപ്പിസം ശക്തമാണെന്നും ഹാര്ദിക്കിനു കീഴില് കളിക്കാന് രോഹിത്തിനു താല്പര്യമില്ലെന്നും ഒരു മുംബൈ ഇന്ത്യന്സ് താരം തന്നെ തങ്ങളോട് പറഞ്ഞതായാണ് ന്യൂസ് 24 സ്പോര്ട്സിന്റെ റിപ്പോര്ട്ടില് പറയുന്നത്. ഹാര്ദിക്കിനെ പിന്തുണച്ച് ഒരു വാര്ത്താസമ്മേളനം നടത്താന് ടീം മാനേജ്മെന്റ് ആവശ്യപ്പെട്ടെങ്കിലും രോഹിത് അതിനു തയ്യാറായിട്ടില്ല. ഇതെല്ലാം ചേര്ത്തുവായിക്കുമ്പോള് രോഹിത്തിന് ഫ്രാഞ്ചൈസിയില് തുടരാന് താല്പര്യമില്ലെന്നത് വ്യക്തമാണ്.
അടുത്ത രണ്ട് സീസണില് കൂടി ഐപിഎല് കളിക്കാനാണ് രോഹിത്തിന്റെ തീരുമാനം. അത് മറ്റൊരു ഫ്രാഞ്ചൈസിക്ക് ഒപ്പമായിരിക്കും. നായകസ്ഥാനം ഓഫര് ചെയ്യുന്ന ഏതെങ്കിലും ഫ്രാഞ്ചൈസിയിലേക്ക് പോകാനാണ് രോഹിത് താല്പര്യപ്പെടുന്നത്. രോഹിത്തിനെ സ്വന്തമാക്കാന് സണ്റൈസേഴ്സ് ഹൈദരബാദ്, പഞ്ചാബ് കിങ്സ് എന്നിവര് ശ്രമങ്ങള് തുടങ്ങിയിട്ടുണ്ട്.
