അനുബന്ധ വാര്ത്തകള്
- IPL Playoff: പ്ലേ ഓഫിൽ മഴ വില്ലനായാലോ? പ്ലേ ഓഫ് മത്സരങ്ങൾക്ക് റിസർവ് ദിനമുണ്ടോ?
- ഹാർദ്ദിക്കിനെ കുറ്റം പറയുന്നവർക്ക് എത്ര കപ്പുണ്ട്? പീറ്റേഴ്സണിനെയും ഡിവില്ലിയേഴ്സിനെയും നിർത്തിപൊരിച്ച് ഗംഭീർ
- RR vs PBKS: വിജയവഴിയിൽ തിരിച്ചെത്തണം, പ്ലേ ഓഫിൽ രണ്ടാം സ്ഥാനം ഉറപ്പിക്കാൻ രാജസ്ഥാൻ ഇന്ന് പഞ്ചാബിനെതിരെ
- Sanju Samson: ഐപിഎല്ലിലെ ആദ്യ 500 നരികെ സഞ്ജു, ആഞ്ഞുപിടിച്ചാൽ ഓറഞ്ച് ക്യാപ് പോരാട്ടത്തിൽ കോലിയ്ക്ക് പിന്നിൽ രണ്ടാമനാകാം
- Rishab Pant: എനിക്ക് വിലക്കുണ്ടായിരുന്നു, അല്ലെങ്കിൽ കാണാമായിരുന്നു, ഡി സി പ്ലേ ഓഫ് കളിച്ചേനെയെന്ന് റിഷഭ് പന്ത്
Rajasthan Royals: ഇത് അവരുടെ സ്ഥിരം പരിപാടിയാണ് ! വീണ്ടും തോറ്റ് രാജസ്ഥാന്; എലിമിനേറ്റര് കളിക്കേണ്ടി വരുമോ?
നിലവില് 13 കളികളില് നിന്ന് എട്ട് ജയത്തോടെ പോയിന്റ് ടേബിളില് രണ്ടാം സ്ഥാനത്താണ് രാജസ്ഥാന്
Rajasthan Royals: പടിക്കല് കലമുടയ്ക്കുന്ന ശീലം തുടര്ന്ന് രാജസ്ഥാന് റോയല്സ്. പ്ലേ ഓഫിലേക്ക് ക്വാളിഫൈ ചെയ്തെങ്കിലും പോയിന്റ് പട്ടികയില് ആദ്യ രണ്ട് സ്ഥാനത്ത് തുടരാനുള്ള സാധ്യതകള് കുറച്ചുവരികയാണ് രാജസ്ഥാന്. തുടര്ച്ചയായ നാലാം തോല്വിയാണ് രാജസ്ഥാന് ഇപ്പോള് വഴങ്ങിയിരിക്കുന്നത്.
ഇന്നലെ പഞ്ചാബ് കിങ്സിനെതിരെ നടന്ന മത്സരത്തില് അഞ്ച് വിക്കറ്റിനാണ് രാജസ്ഥാന്റെ തോല്വി. ടോസ് നേടി ആദ്യം ബാറ്റ് ചെയ്ത രാജസ്ഥാന് നിശ്ചിത 20 ഓവറില് ഒന്പത് വിക്കറ്റ് നഷ്ടത്തില് 144 റണ്സ് മാത്രമാണ് നേടിയത്. മറുപടി ബാറ്റിങ്ങില് 18.5 ഓവറില് അഞ്ച് വിക്കറ്റ് നഷ്ടത്തില് പഞ്ചാബ് ജയം സ്വന്തമാക്കി.
നിലവില് 13 കളികളില് നിന്ന് എട്ട് ജയത്തോടെ പോയിന്റ് ടേബിളില് രണ്ടാം സ്ഥാനത്താണ് രാജസ്ഥാന്. ശേഷിക്കുന്ന ഒരു മത്സരത്തില് ജയിച്ചാലും പോയിന്റ് ടേബിളില് ഒന്നാം സ്ഥാനത്ത് എത്താനുള്ള സാധ്യത അടഞ്ഞു. അതേസമയം അവസാന മത്സരത്തില് കൊല്ക്കത്തയ്ക്കെതിരെ മികച്ച മാര്ജിനില് ജയിച്ചാല് രാജസ്ഥാന് രണ്ടാം സ്ഥാനത്ത് തുടരാനും ക്വാളിഫയര് 1 കളിക്കാനും സാധിക്കും. അവസാന മത്സരത്തില് രാജസ്ഥാന് തോല്ക്കുകയും സണ്റൈസേഴ്സ് ഹൈദരബാദ് അവരുടെ ശേഷിക്കുന്ന രണ്ട് മത്സരങ്ങളില് ജയിക്കുകയും ചെയ്താല് ഹൈദരബാദായിരിക്കും കൊല്ക്കത്തയ്ക്കെതിരെ ക്വാളിഫയര് 1 കളിക്കുക. അപ്പോള് രാജസ്ഥാന് പോയിന്റ് ടേബിളില് മൂന്നോ നാലോ സ്ഥാനത്തേക്ക് പോകേണ്ടി വരും. അങ്ങനെ വന്നാല് എലിമിനേറ്റര് കളിക്കണം.
