അനുബന്ധ വാര്ത്തകള്
- IPL 2025:ഐപിഎൽ ഉദ്ഘാടന മത്സരം മാർച്ച് 14ന്, ഫൈനൽ മെയ് 25ന്
- ഐപിഎല്ലിലെ ഏറ്റവും പ്രായം കുറഞ്ഞ താരമാകാൻ 13കാരൻ, ആരാണ് വൈഭവ് സൂര്യവംശി
- രാജസ്ഥാന് ഏറെ ആവശ്യം ഒരു പേസ് ഓൾ റൗണ്ടറെ, കരിയർ നശിപ്പിക്കുന്ന "യാൻസൻ ജി" സഞ്ജുവിന് കീഴിലെത്തുമോ?
- എന്ത് സംഭവിക്കുമെന്ന് അറിയില്ല, താരലേലത്തിൽ സിഎസ്കെ തന്നെ വാങ്ങുമെന്ന് പ്രതീക്ഷ: ദീപക് ചാഹർ
- പുതിയൊരു തുടക്കം വേണം, കൂടുതൽ സ്വാതന്ത്രവും, ലഖ്നൗ വിട്ടതിന് ശേഷം ആദ്യപ്രതികരണവുമായി കെ എൽ രാഹുൽ
IPL Auction 2024: റിഷഭ് പന്ത്, കെ എൽ രാഹുൽ മുതൽ ജോസ് ബട്ട്ലർ വരെ,ഐപിഎല്ലിൽ ഇന്ന് പണമൊഴുകും, ആരായിരിക്കും ഏറ്റവും പ്രതിഫലം വാങ്ങുന്ന താരം
IPL Auction 2024
ഇത്തവണ മെഗാതാരലേലം നടക്കുമ്പോള് പല ഫ്രാഞ്ചൈസികളും തങ്ങളുടെ കീ പ്ലെയേഴ്സിനെ കൈവിട്ടിട്ടുണ്ട്. അതിനാല് തന്നെ താരലേലത്തില് ഇത്തവണ താരങ്ങള്ക്കായി പണം ഒഴുകുമെന്ന് ഉറപ്പാണ്. ഉയര്ന്ന വില പ്രതീക്ഷിക്കുന്നവരില് റിഷഭ് പന്ത്, കെ എല് രാഹുല്,ഇഷാന് കിഷന്,അര്ഷദീപ് സിംഗ് മുതല് ഫില് സാള്ട്ട്, ക്വിന്റണ് ഡികോക്ക്, ജോസ് ബട്ട്ലര്,ട്രെന്ഡ് ബോള്ട്ട് തുടങ്ങി അനവധി താരങ്ങളുണ്ട്. കഴിഞ്ഞ താരലേലത്തില് ഓസീസ് താരമായ മിച്ചല് സ്റ്റാര്ക്കിനെ സ്വന്തമാക്കാനായി 24.75 കോടി രൂപയായിരുന്നു കൊല്ക്കത്ത നൈറ്റ് റൈഡേഴ്സ് മുടക്കിയത്. ഇത്തവണ ഇതിലും ഉയര്ന്ന തുകയ്ക്ക് ഏതെങ്കിലും ടീം ആരെയെങ്കിലും സ്വന്തമാക്കുമോ എന്നറിയാനുള്ള കാത്തിരിപ്പിലാണ് ആരാധകര്.
പഞ്ചാബ് സൂപ്പര് കിംഗ്സ്, ലഖ്നൗ, ആര്സിബി ടീമുകളാണ് പ്രധാനമായും തങ്ങളുടെ ടീമുകളെ ഉടച്ചുവാര്ക്കാന് ശ്രമിക്കുന്നത്. അതിനാല് തന്നെ ഈ താരലേലത്തില് പ്രധാനതാരങ്ങള്ക്കായി വലിയ തുക തന്നെ ഇവര് മുടക്കും. ഇന്ത്യന് താരങ്ങളില് ശ്രേയസ് അയ്യര്, റിഷഭ് പന്ത്, ഇഷാന് കിഷന്, കെ എല് രാഹുല്,അര്ഷദീപ് സിംഗ് എന്നിവര്ക്ക് വലിയ തുക തന്നെ ലഭിച്ചേക്കും. ഇതില് റിഷഭ് പന്തിനാകും ഉയര്ന്ന തുക ലഭിക്കുക എന്നാണ് ക്രിക്കറ്റ് ആരാധകര് കരുതുന്നത്.
വിദേശതാരങ്ങളില് ഓള് റൗണ്ടര്മാരായ മാര്ക്കോ യാന്സന്, മിച്ചല് മാര്ഷ് എന്നിവര്ക്കായി ടീമുകള് രംഗത്ത് വരാന് സാധ്യതയേറെയാണ്. ഇംഗ്ലണ്ടിന്റെ ഓപ്പണിംഗ് താരങ്ങളായ ഫില് സാള്ട്ട്, ജോസ് ബട്ട്ലര് എന്നിവര്ക്കും താരലേലത്തില് വലിയ തുക തന്നെ ലഭിച്ചേക്കും.
