ഗൂഗിളും യൂട്യൂബും നിരോധിക്കുമെന്ന് പാകിസ്ഥാന്റെ അന്ത്യശാസനം. ഭീകരര്‍ക്ക് സഹായം നല്‍കുന്നു എന്നാരോപിച്ചാണ് പാക് ആഭ്യന്തരമന്ത്രി റഹ്മാന്‍ മാലിക് ഈ ഭീഷണി മുഴക്കിയിരിക്കുന്നത്.
ഇന്റര്‍നെറ്റിന്റെ സഹായത്തോടെയാണ് ഭീകരസംഘടനകള്‍ വിവരങ്ങള്‍ കൈമാറുന്നതെന്ന് അനേഷണത്തില്‍ വ്യക്തമായിട്ടുണ്ട്. അതിനാല്‍ രാജ്യത്ത് നിന്ന് ഭീകരവാദം തുടച്ചുനീക്കാന്‍ ഗൂഗിളും യൂട്യൂബും സഹകരിച്ചേ മതിയാകൂ എന്നാണ് മാലിക് പറയുന്നത്.
ഇതെക്കുറിച്ച് പാകിസ്ഥാനിലെ ഗൂഗിള് മേധാവിക്ക് വിശദമായ കത്തയച്ചതായും മാലിക് അറിയിച്ചു.
