ദക്ഷിണകൊറിയെ ഞെട്ടിച്ച ബോട്ടപകടത്തില്‍ മരിച്ചവരുടെ എണ്ണം 292 ആയി. കഴിഞ്ഞദിവസമാണ് ഒരാളുടെ മൃതദേഹം കൂടി ലഭിച്ചത്. ഇനിയും 12 പേരെ കണ്ടുകിട്ടാനുണ്ട്. 172 പേരാണ് ദുരന്തത്തില്‍ നിന്ന് രക്ഷപ്പെട്ടത്. ഇപ്പോളും തെരച്ചില്‍ തുടരുകയാണ്.

വടക്കുപടിഞ്ഞാറന്‍ തുറമുഖമായ ഇഞ്ചിയോണില്‍നിന്ന് വിനോദസഞ്ചാര ദ്വീപായ ജെജുവിലേക്ക് പുറപ്പെട്ട ബോട്ടാണ് അപകടത്തില്‍പ്പെട്ടത്. തെക്കന്‍ ദ്വീപായ ബ്യുങ്‌പോങ്ങില്‍നിന്ന് 29 കിലോമീറ്റര്‍ അകലെയായിരുന്നു അപകടം.