ആഭ്യന്തര - അന്താരാഷ്ട്ര നയതന്ത്ര ഇടപെടലുകളില്‍ ഇന്ത്യന്‍ പ്രധാനമന്ത്രി നരേന്ദ്രമോഡി ചൈനീസ് പ്രസിഡന്റ് സീ ജിന്‍ പിംഗിനെ പിന്നിലാക്കിയെന്ന് റിപ്പോര്‍ട്ട്. ചൈനീസ് ഏജന്‍സി തന്നെ നടത്തിയ സര്‍വ്വേയിലാണ് മൊഡി ചൈനീസ് പ്രസിഡന്റിന്റെ പിന്തള്ളിയതായി തെളിഞ്ഞത്. അമേരിക്ക , ബ്രിട്ടന്‍ , ആസ്ട്രേലിയ , ജപ്പാന്‍ , സൗത്ത് ആഫ്രിക്ക , ഇന്ത്യ ,റഷ്യ , ബ്രസീല്‍ , ചൈന എന്നീ രാജ്യങ്ങളിലാണ് സര്‍വേ നടത്തിയത്

ചൈനീസ് നാഷണല്‍ ഇമേജ് ഗ്ലോബല്‍ എന്ന സര്‍വ്വേയില്‍ ആഭ്യന്തര - അന്താരാഷ്ട്ര മേഖലകളിലെ ഇടപെടലുകളില്‍ സീ ജിന്‍ പിംഗ് ലോക റാങ്കിംഗില്‍ നരേന്ദ്രമോഡിക്ക് പിന്നില്‍ രണ്ടാമതെത്തിയെന്നാണ് ചൈനയിലെ അന്താരാഷ്ട്ര പ്രസിദ്ധീകരണ വിഭാഗം വൈസ് പ്രസിഡന്റ് വാങ് ഗാങ് യി പറഞ്ഞത്.
ആഗോള തലത്തില്‍ ചൈനയുടെ സ്വീകാര്യത വര്‍ദ്ധിച്ചിട്ടുണ്ടെന്നും
സര്‍വേ വെളിപ്പെടുത്തുന്നുണ്ട്.