67 വര്‍ഷമായി കുളിക്കാത്ത 87 കാരനായ ഇറാനിയന്‍ മനുഷ്യന്‍ പൂര്‍ണ ആരോഗ്യവാനെന്ന് ഗവേഷകര്‍. ഇറാനിയന്‍ സ്വദേശിയായ ജാജിയെയാണ് ഗവേഷകര്‍ പഠനത്തിന് വിധേയമാക്കിയത്. കുളിച്ചാല്‍ തന്റെ ആരോഗ്യം നഷ്ടപ്പെടുമെന്നാണ് ജാജി വിശ്വസിക്കുന്നത്. അതിനാല്‍ ആറുപതിറ്റാണ്ടിലേറെയായി ഇയാള്‍ കുളിക്കുന്നില്ല. കൂടാതെ കുളിച്ചാല്‍ തനിക്ക് ദൗര്‍ഭാഗ്യം വരുമെന്നും താന്‍ മരിച്ചുപോകുമെന്നും ജാജി കരുതുന്നു.

മരുഭൂമിയില്‍ കാണുന്ന ചീഞ്ഞളിഞ്ഞ മുള്ളന്‍ പന്നിയുടെ മാംസമാണ് ഇദ്ദേഹത്തിന്റെ ഇഷ്ട ഭക്ഷണം. ദെജാഹ് ഗ്രാമത്തില്‍ ചെന്ന് ജാജിയെ മെഡിക്കല്‍ സംഘം പരിശോധിക്കുകയായിരുന്നു. ഞെട്ടിക്കുന്ന ഫലമാണ് കണ്ടെത്തിയതെന്ന് സംഘം പറയുന്നു. ബാക്ടീരിയ മൂലമോ മറ്റ് ഗുരുതര ആരോഗ്യ പ്രശ്‌നങ്ങളോ കണ്ടെത്തിയിട്ടില്ല. വൃത്തിയില്ലാതിരുന്നിട്ടും സൂക്ഷ്മ ജീവികള്‍ മൂലമുള്ള ഒരു രോഗവും ഇയാള്‍ക്കില്ല.