സിഡ്നി|
jibin|
Last Modified ബുധന്‍, 27 ഓഗസ്റ്റ് 2014 (10:58 IST)
യാത്രക്കാരന്‍ ഭ്രാന്തമായി പെരുമാറിയതിനെ തുടര്‍ന്ന് പറന്നുയര്‍ന്ന വിമാനം പൈലറ്റ് ഒരു വയലില്‍ അടിയന്തരമായി ലാന്‍ഡ് ചെയ്തു.
നാലുപേര്‍ക്ക് സഞ്ചരിക്കാവുന്ന വിമാനത്തില്‍ ആസ്ട്രേലിയയിലെ സിഡ്നിയില്‍നിന്ന് 186 കിലോമീറ്റര്‍ ദൂരെയുള്ള കൗറയിലേക്ക് ബിസിനസ് ട്രിപ്പിലായിരുന്നു 82കാരനായ യാത്രക്കാരന്‍ മോശമായി പെരുമാറാന്‍ തുടങ്ങിയത്.
നാലു പേരുമായി വിമാനം പറന്ന് പാതിവഴിയിലത്തെിയപ്പോള്‍ ഇയാള്‍ ഭ്രാന്തമായി പെരുമാറുകയായിരുന്നു. എന്‍ജിനുകള്‍ ഓഫ് ചെയ്യാനും വിമാനത്തിന്റെ നിയന്ത്രണം ഏറ്റെടുക്കാന്‍ ശ്രമിക്കുകയും ചെയ്യുകയായിരുന്നു.
ഭ്രാന്തമായി സംസാരിക്കുകയും പൊട്ടിച്ചിരിച്ചു കൊണ്ട് വിമാനത്തില്‍ ബഹളം വെക്കുകയുമായിരുന്നു. തുടര്‍ന്ന് പൈലറ്റ് ഇയാളെ കീഴ്പ്പെടുത്തുകയും വിമാനം സുരക്ഷിതമായി ഒരു വയലില്‍ ഇറക്കുകയുമായിരുന്നു.
