കടുത്ത ചൂട് കാലമാണ് ഇനി വരാനുള്ളത്. ഫെബ്രുവരിയിൽനിന്നും മാർച്ചിലേക്ക് കടക്കുന്നതോടെ വെയിൽ കടുക്കും ചൂട്കൂടും. പിന്നീട് മെയ് മാസം തീരും വരെ ചൂട് തന്നെ. ചൂടിനെ നേരിടുക എന്നത് അത്ര എളുപ്പമുള്ള കാര്യമല്ല. ഇതിന് ശാരീരികവും മാനസ്സികവുമായ തയ്യാറെടുപ്പ് അത്യാവശ്യമാണ്.

ചൂടുകാലം എന്നത് വേനൽക്കാല രോഗങ്ങളുടെകൂടി കാലമാണ്. ത്വക്കുരോഗങ്ങൾ നേത്ര രോഗങ്ങൾ എന്നിവയിൽ തുടങ്ങിചിക്കൻപോക്സ്, അഞ്ചാം പനി, കോളറ വയറുകടി എന്നീ അസുഖങ്ങൾ വരെ വേനൽകാലത്ത് പടർന്നു പിടിക്കാം. ശരീരത്തിൽ നിന്നും ജലാംശം നഷ്ടപ്പെടുന്നത് മൂത്രാശയ സംബന്ധമായ രോഗങ്ങൾക്കും വഴിവെക്കും.

ചൂടുകാലത്ത് ധാരാളമായി വെള്ളം കുടിക്കണം കാരണം ശരീരത്തിൽ നിന്നും വലിയ അളവിൽ ജലാംശം ചൂടുകാലത്ത് നഷ്ടമാകും. വെള്ളത്തോടൊപ്പം ധാതുലവണങ്ങളും നഷ്ടപ്പെടും.അതിനാൽ ദിവസേന നാരങ്ങ വെള്ളം കുടിക്കുന്നത് ക്ഷീണണമകറ്റുന്നതിനും പോഷകങ്ങൾ ലഭിക്കുന്നതിനും
നല്ലതാണ്.

പഴങ്ങളും പച്ചക്കറികളുമാണ് ചൂടുകാലത്ത് ഏറെ കഴിക്കേണ്ടത്. മാംസാഹാരങ്ങൾ കഴിവതും ഒഴിവക്കുക, ഇത് ശരീരത്തിന്റെ താപനില വർധിപ്പിക്കുന്നതിനും ദഹന സംബന്ധമായ പ്രശ്നങ്ങൾ ഉണ്ടാക്കുന്നതിനും കാരണമാകും. വസ്ത്രങ്ങളിലും ശ്രദ്ധ വേണം, കോട്ടൺ വസ്ത്രങ്ങളാണ് ചൂടുകാലത്ത് ധരിക്കാൻ ഉത്തമം.

തെരുവുകളിൽ മുറിച്ചു വച്ചിട്ടുള്ള പഴങ്ങളു പച്ചക്കറികളും കഴിക്കുന്നത് പരമാവധി ഒഴിവാക്കുന്നതാണ് നല്ലത്. ശുദ്ധമല്ലാത്ത ജലവും ഒഴിവാക്കുക. ഇതിലൂടെ മാരകമായ അസുഖങ്ങൾ പടാർന്നു പിടിച്ചേക്കാം. കൊതുകുകൾ വേനൽകാലത്തും മഴക്കാലത്തും ഒരുപോലെ അപകടകാരികളാണ്. ഇത് പ്രത്യേഗം ശ്രദ്ദിക്കേണ്ടതുണ്ട്.