അനുബന്ധ വാര്ത്തകള്
- നടുവേദനയ്ക്ക് യോഗ ചെയ്യുന്നതിന് മുമ്പ് ഇക്കാര്യങ്ങള് ശ്രദ്ധിക്കണം
- ഹോര്മോണ് വ്യതിയാനം സ്ത്രീകളില് ഉണ്ടാക്കുന്ന പ്രശ്നങ്ങള് ഗൗരവമുള്ളത്!, കാരണങ്ങള് ഇവയൊക്കെ
- ഫ്രിഡ്ജില് നിന്ന് എടുക്കുന്ന സാധനങ്ങള് അപ്പോള് തന്നെ ചൂടാക്കി കഴിക്കാമോ?
- പെട്ടെന്നുള്ള മുടികൊഴിച്ചിലിന് കാരണം ഇതാണ്
- വ്യായാമവും രക്തസമ്മര്ദ്ദവും തമ്മിലുള്ള ബന്ധം ഇതാണ്
രാവിലെ എഴുന്നേറ്റ ഉടനെ വെറുംവയറ്റില് ചായ കുടിക്കുന്ന ശീലമുണ്ടോ?
വെറുംവയറ്റില് ചൂടുവെള്ളം കുടിക്കുന്നതാണ് അത്യുത്തമം
അതിരാവിലെ എഴുന്നേറ്റ് വെള്ളം കുടിക്കുന്നതുകൊണ്ട് ഒട്ടേറെ ഗുണങ്ങളുണ്ട്. എന്നാല്, പല്ല് തേക്കുന്നതിനു മുന്പ് വെള്ളം കുടിക്കുന്നത് നല്ല കാര്യമാണോ? പലര്ക്കും ഇക്കാര്യത്തില് സംശയങ്ങളുണ്ട്. എന്നാല്, അതിരാവിലെ വെറുംവയറ്റില് പല്ല് തേക്കുന്നതിനു മുന്പ് വെള്ളം കുടിക്കുന്നത് നല്ല ശീലമാണ്. പല്ല് തേക്കുന്നതിനു മുന്പ് വെള്ളം കുടിക്കുമ്പോള് വായില് കാണപ്പെടുന്ന ആസിഡുകള് നിങ്ങളുടെ ആമാശയത്തിലേക്ക് കടന്നു ചെല്ലുകയും ഇത് ബാക്ടീരിയകളെ കൊല്ലാന് സഹായിക്കുകയും ചെയ്യുന്നു. അതിനാല്, രാവിലെ പല്ല് തേക്കുന്നതിനു മുന്പ് വെള്ളം കുടിക്കുന്നത് പതിവാക്കുക. ഇതുവഴി പാര്ശ്വഫലങ്ങള് ഒന്നും ഉണ്ടാകില്ല.
വെറുംവയറ്റില് ചൂടുവെള്ളം കുടിക്കുന്നതാണ് അത്യുത്തമം. ചൂടുവെള്ളം കുടല് വൃത്തിയാക്കുകയും ശരീരത്തില് നിന്ന് ദോഷകരമായ വിഷവസ്തുക്കളെ അകറ്റുകയും ചെയ്യും. രാവിലെ വെറും വയറ്റില് വെള്ളം കുടിച്ച ശേഷം പ്രഭാതഭക്ഷണം കഴിക്കുന്നതിനായി കുറഞ്ഞത് 45 മിനിറ്റെങ്കിലും കാത്തിരിക്കണം. ഇത് ആരോഗ്യത്തിന് മികച്ചതാണെന്ന് ഗവേഷകര് നിര്ദേശിക്കുന്നു. വെറുംവയറ്റില് വെള്ളം കുടിക്കുന്നത് മലബന്ധം ഒഴിവാക്കാന് സഹായിക്കും. ബെഡ്ഡില് ഇരുന്ന് വളരെ സാവധാനം വേണം വെള്ളം കുടിക്കാന്. ധൃതിയില് ധാരാളം വെള്ളം ഒരുമിച്ച് കുടിക്കുന്നത് അത്ര നല്ല ശീലമല്ല. ഗ്ലാസില് വെള്ളം ഒഴിച്ച് കുടിക്കാനും ശ്രദ്ധിക്കണം. കുപ്പി നേരെ വായയിലേക്ക് വെച്ച് നിര്ത്താതെ വെള്ളം കുടിക്കുന്നത് ആരോഗ്യത്തിനു ദോഷം ചെയ്യും.
