അനുബന്ധ വാര്ത്തകള്
- രാത്രി കൂടുതല് ചോറ് കഴിച്ചാല് ഉറക്കം വരില്ലെ, സത്യാവസ്ഥ ഇതാണ്
- Acidity: നെഞ്ചിലും തൊണ്ടയിലും എരിച്ചിലും പുകച്ചിലും, അസിഡിറ്റിക്ക് കാരണം എന്താണെന്ന് നിങ്ങള് ചിന്തിച്ചിട്ടുണ്ടോ
- ബ്രേക്ക്ഫാസ്റ്റായി കഴിക്കാന് ഇവ നന്നല്ല !
- കഴുത്തിനു ചുറ്റുമുള്ള കറുപ്പ് നിറവും മടക്കുകളും; നിസാരമായി കാണരുത്
- ദിവസവും കുളിക്കുന്നത് അത്ര നല്ലശീലമല്ല! വിവിധ രാജ്യങ്ങളിലെ കുളി ശീലങ്ങള് അറിയാമോ
Zombie Virus: സോമ്പി വൈറസ് സത്യമോ? ആഗോളതാപനം മൂലമുള്ള മഞ്ഞുരുകൽ പുതിയ മഹാമാരിയ്ക്ക് കാരണമാകുമോ?
ആഗോളതാപനം മൂലം സൈബീരിയന് ഭാഗങ്ങളില് ഹിമക്കരടികള് വൈറസ് ബാധിതരായെന്ന വാര്ത്ത കഴിഞ്ഞ ദിവസമാണ് പുറത്തുവന്നത്. വാര്ത്തയ്ക്ക് ശേഷം വലിയ ആശങ്കയിലാണ് ശാസ്ത്രലോകം. ആഗോളതാപനം മഞ്ഞുരുകലിനും ലോകമെങ്ങും കാലാവസ്ഥാ വ്യതിയാനങ്ങള്ക്കും കാരണമാകുമെന്ന് എല്ലാവര്ക്കും തന്നെ അറിവുള്ള കാര്യമാണ്. അതേസമയം മഞ്ഞുപാളികള്ക്കുള്ളില് ഇരിക്കുന്ന വൈറസുകള് ഈ മഞ്ഞുരുകല് മൂലം സ്വതന്ത്രമാകുമെന്ന് അറിയുന്നവര് ചുരുക്കമാണ്.
ഈ വൈറസുകള് ഗുരുതരമായ രോഗങ്ങള് പടര്ത്താന് ശക്തിയുള്ളവയാണ്. ദക്ഷിണധ്രുവത്തിലാകും ഈ അസുഖങ്ങള്ക്ക് തുടക്കമാവുക എന്നാണ് ശാസ്ത്രജ്ഞന്മാര് പറയുന്നത്. മഞ്ഞുപാളികള്ക്കടിയിലുള്ള പെര്മഫ്രോസ്റ്റില് എന്തെല്ലാം വൈറസുകളാണ് ഇരിക്കുന്നത് എന്നതില് ആര്ക്കും തന്നെ വ്യക്തതയില്ല. അതിനാല് തന്നെ മഞ്ഞുരുകുന്നത് വീണ്ടും മഹാമാരികള്ക്ക് കാരണമാകാമെന്നാണ് ശാസ്ത്രജ്ഞരുടെ പക്ഷം.സോമ്പി വൈറസുകള് എന്ന് വിശേഷിപ്പിക്കപ്പെടുന്ന രോഗകാരികളും ഇതില് ഉണ്ടാവാമെന്നത് ഒരു സാധ്യതയാണ്. 3 ലക്ഷം വരെ പഴക്കമുള്ള വൈറസുകള് മഞ്ഞുപാളികള്ക്കടിയിലെ പെര്മാഫ്രോസ്റ്റിലുണ്ടെന്നാണ് കരുതപ്പെടുന്നത്. കൂടുതല് വേഗത്തില് മഞ്ഞുരുകുന്നത് അപകട സാധ്യത ഉയര്ത്തുകയാണെന്നും ശാസ്ത്രജ്ഞര് പറയുന്നു.
