അനുബന്ധ വാര്ത്തകള്
- 40നും 49നും ഇടയില് പ്രായമുള്ള സ്ത്രീകള് ബ്രെസ്റ്റ് കാന്സര് ടെസ്റ്റ് ഇടയ്ക്ക് ചെയ്യുന്നത് നല്ലതായിരിക്കും
- നഖം കണ്ടാല് കാന്സര് സാധ്യത നേരത്തേ തിരിച്ചറിയാന് സാധിക്കുമെന്ന് പഠനം
- അമിതമായ ഉപ്പിന്റെ ഉപയോഗം മൂലം ലോകത്ത് ഓരോ വര്ഷവും ഇരുപതുലക്ഷത്തിലധികം പേര് മരിക്കുന്നതായി ലോകാരോഗ്യ സംഘടന
- ഒമേഗ 6 ഫാറ്റി ആസിഡുകള് ശരീരത്തില് കൂടരുത്! സംസ്കരിച്ച എണ്ണകള് ഒഴിവാക്കണം
- വെജിറ്റബിള് ഓയില് വീണ്ടും വീണ്ടും ചൂടാക്കിയാല് കാന്സറിന് കാരണമാകുമെന്ന് ഐസിഎംആര്
ചെറിയ ആരോഗ്യപ്രശ്നം വരുമ്പോള് തന്നെ പാരസെറ്റമോളിനെ ആശ്രയിക്കുന്നോ, അരുതെന്ന് പുതിയ പഠനം പറയുന്നു
ഇപ്പോള് എല്ലാവീടുകളിലും ആര്ക്കെങ്കിലും ആരോഗ്യപ്രശ്നങ്ങള് ഉണ്ടെന്നുതോന്നിയാല് ഉടന് ഉപയോഗിക്കാന് സുലഭമായി സൂക്ഷിക്കുന്ന മരുന്നാണ് പാരസെറ്റമോള്. ചുമ, ജലദോഷം, കാലാവസ്ഥാ മാറ്റം മൂലമുണ്ടാകുന്ന അസ്വസ്ഥതകള്, പനി എന്നിവയ്ക്കെല്ലാം പാരസെറ്റമോള് കഴിക്കാറുണ്ട്. എന്നാലിപ്പോള് പാരസെറ്റമോളിന്റെ കുറഞ്ഞ അളവിലുള്ള ഉപയോഗം പോലും ഹൃദയത്തെ കേടുവരുത്തുമെന്ന് കണ്ടെത്തിയിരിക്കുകയാണ് ശാസ്ത്രജ്ഞര്. എലികളില് ഹൃദയ കലകളിലെ പ്രോട്ടീനുകളില് മാറ്റം വരുത്തിയതായാണ് അമേരിക്കന് ഗവേഷകര് കണ്ടെത്തിയിരിക്കുന്നത്. അമേരിക്കന് ഫിസിയോളജിയിലാണ് പഠനം വന്നത്. പഠനം നടത്തി എഴാം ദിവസം തന്നെ എലികളില് ഇത്തരത്തിലുള്ള വ്യത്യാസം കണ്ടെത്തി.
ഇന്ത്യയില് കഴിഞ്ഞവര്ഷം ചില ആരോഗ്യപ്രശ്നങ്ങള് ഉണ്ടാകുന്നുവെന്ന കണ്ടെത്തലില് പാരസെറ്റമോള് ഉള്പ്പെടെയുള്ള 14 കോമ്പിനേഷന് മരുന്നുകള് നിരോധിച്ചിരുന്നു. പൊതുവേ വേദനാ സംഹാരിയെന്നറിയപ്പെടുന്ന പാരസെറ്റമോള് കരളിനെ തകരാറിലാക്കുകയും ഉയര്ന്ന ഡോസിന്റെ ഉപയോഗം രക്തസമ്മര്ദ്ദം കൂട്ടുകയും ചെയ്യുമെന്ന് വിവിധ പഠനങ്ങള് വെളിപ്പെടുത്തിയിട്ടുണ്ട്.
