അനുബന്ധ വാര്ത്തകള്
- നിങ്ങള് 10 മിനിറ്റില് കൂടുതല് സമയം ടോയ്ലറ്റില് ചെലവഴിക്കാറുണ്ടോ?
- തൈര് കഴിക്കുന്നതുമൂലം ഉണ്ടാകാന് സാധ്യതയുള്ള 9 ആരോഗ്യപ്രശ്നങ്ങള് ഇവയാണ്
- ഇക്കാര്യങ്ങള് ശ്രദ്ധിച്ചാല് കുട്ടികളിലുണ്ടാകുന്ന ഫാറ്റിലിവര് തടയാം
- ഉയര്ന്ന താപനിലയില് സംസ്കരിക്കുന്ന എണ്ണകളില് മറ്റു കെമിക്കലുകളും ഉണ്ടാകും; ആരോഗ്യപ്രശ്നങ്ങള് ഉണ്ടാകും
- അനാരോഗ്യത്തിന്റെ ആദ്യലക്ഷണമാണ് മലബന്ധം; പഴങ്ങള് കഴിക്കുന്നത് മലബന്ധം തടയാന് സഹായിക്കുമോ?
ഈ 5 ലക്ഷണങ്ങള് ഉണ്ടോ? നിങ്ങളുടെ പാന്ക്രിയാസ് ശരിയായി പ്രവര്ത്തിക്കുന്നില്ല!
ഹോര്മോണുകളുടെ നിയന്ത്രണത്തിനും ദഹനത്തിനും വലിയ പങ്കുവഹിക്കുന്ന അവയവമാണ് പാന്ക്രിയാസ്. പാന്ക്രിയാസിന്റെ പ്രവര്ത്തനത്തിലെ താളപ്പിഴകള് നിരവധി ആരോഗ്യപ്രശ്നങ്ങള്ക്ക് കാരണമാകും. പാന്ക്രിയാസിന്റെ പ്രവര്ത്തനം അവതാളത്തിലായാല് ശരീരം പ്രധാനമായി അഞ്ച് ലക്ഷണങ്ങളാണ് കാണിക്കുന്നത്. ഇതില് ആദ്യത്തേത് വയറിനു മുകളിലെ വേദനയാണ്. ഇത് പുറകിലേക്കും വ്യാപിക്കും. ഈ ബുദ്ധിമുട്ട് വിശപ്പില്ലായ്മ, ശരീരഭാരം കുറയല്, തുടര്ച്ചയായ വയറിളക്കം എന്നിവയോടൊപ്പം വരാം. മറ്റൊന്ന് ദഹന പ്രശ്നങ്ങളാണ്. ഇവ വിട്ടുമാറാതെ നില്ക്കും. വയറുപെരുക്കം, ദഹനം നടക്കാത്ത അവസ്ഥ, തല ചുറ്റല്, ഓക്കാനം, വയറിളക്കം അല്ലെങ്കില് മലബന്ധം എന്നിവയൊക്കെ ഉണ്ടാവാം.
അതേസമയം ഈ ലക്ഷണങ്ങളെ ഐബിഎസ് എന്ന് തെറ്റിദ്ധരിക്കുകയും ചെയ്യാറുണ്ട്. അതിനാല് തന്നെ ശരിയായ വൈദ്യപരിശോധന നടത്തേണ്ടത് അത്യാവശ്യമാണ്. മൂന്നാമത്തെ ലക്ഷണമാണ് കാരണം ഇല്ലാതെ ശരീരഭാരം കുറയുന്നത്. ഇത് പാന്ക്രിയാറ്റിക് ക്യാന്സറിന്റെയും ലക്ഷണമാണ്. ഇന്സുലിന് ഉത്പാദനം കുറയുകയും ദഹനരസങ്ങളുടെ ഉല്പാദനം കുറയുമ്പോഴും ശരീരത്തിന് ആവശ്യമായ പോഷകങ്ങള് ആഗീരണം ചെയ്യാന് കഴിയാതെ വരുന്നു.
മറ്റൊന്ന് മലത്തിന്റെ രൂപത്തിലുള്ള വ്യത്യാസമാണ്. മലത്തിന് മണ്ണിന്റെ നിറവും ഓയില് കലര്ന്നതുപോലെ തോന്നിക്കുന്ന രൂപവുമായിരിക്കും. മറ്റൊന്ന് മഞ്ഞപ്പിത്തമാണ്. ഇത് കണ്ണിലും തൊലിപ്പുറത്തും മഞ്ഞനിറം ഉണ്ടാക്കും.
