അനുബന്ധ വാര്ത്തകള്
- നിപ വൈറസ് ബാധ: ഭയം വേണ്ട, പക്ഷെ പ്രതിരോധം പ്രധാനമാണെന്ന് ആരോഗ്യ മന്ത്രി വീണാ ജോര്ജ്
- നിപ ലക്ഷണങ്ങളോടെ ചികില്സയില് കഴിയുന്നത് നാല് പേര്: സമ്പര്ക്ക പട്ടികയില് 75 പേര്
- ജര്മ്മനിയിലേയ്ക്ക് നഴ്സിങ് റിക്രൂട്ട്മെന്റ്: അഭിമുഖം 20 മുതല് 27 വരെ തിരുവനന്തപുരത്ത്
- Nipah Virus: നിപ വൈറസ്, ഈ സമയത്ത് ഫ്രൂട്ട്സ് കഴിക്കാമോ?
- ആരോഗ്യമന്ത്രി കോഴിക്കോട് ക്യാംപ് ചെയ്യും; അതീവ ജാഗ്രത, പരിശോധനാഫലം ഉച്ചയോടെ
നിപ വൈറസ് ബാധ: രോഗതീവ്രത വര്ധിക്കുന്നതനുസരിച്ച് രോഗവ്യാപനസാധ്യത വര്ധിക്കും
വൈറസ് ശരീരത്തിനുള്ളില് പ്രവേശിച്ച് രോഗലക്ഷണങ്ങള് പ്രകടമാകാനെടുക്കുന്ന കാലയളവ് (ഇന്കുബേഷന് പീരീഡ്) 4 മുതല് 14 ദിവസം വരെയാണ്. ഇത് ചിലപ്പോള് 21 ദിവസം വരെയാകാം. പനിയോടൊപ്പം തലവേദന, ജെന്നി, പിച്ചും പേയും പറയുക, ചുമ, ശ്വാസതടസത്തിന്റെയോ ശ്വാസം മുട്ടലിന്റെയോ ലക്ഷണങ്ങള് എന്നിവയില് ഒന്നോ അതിലധികമോ പ്രത്യക്ഷപ്പെടാം. ഇതില് ശ്വാസകോശ സംബന്ധിയായ ലക്ഷണങ്ങള് ഉണ്ടെങ്കില് മറ്റുള്ളവര്ക്ക് പകര്ന്നുകിട്ടാനുള്ള സാധ്യത കൂടുതലാണ്. രോഗലക്ഷണങ്ങള് സമയം കഴിയും തോറും വര്ധിച്ചു വരാം എന്നതും, രോഗതീവ്രത വര്ധിക്കുന്നതനുസരിച്ച് രോഗവ്യാപനസാധ്യത വര്ധിച്ചേക്കാം എന്നതും നിപ രോഗത്തിന്റെ പ്രത്യേകതയാണ്.
തൊണ്ടയില് നിന്നും മൂക്കില് നിന്നുമുള്ള സ്രവം, രക്തം, മൂത്രം, തലച്ചോറിലെ നീരായ സെറിബ്രോ സ്പൈനല് ഫ്ളൂയിഡ് എന്നിവയില് നിന്നുമെടുക്കുന്ന സാമ്പിളുകള് ആര്.ടി.പി.സി.ആര്. പരിശോധന വഴിയാണ് രോഗം സ്ഥിരീകരിക്കുന്നത്.
