അനുബന്ധ വാര്ത്തകള്
- വയനാട് ഉരുള്പ്പൊട്ടല്: ക്യാമ്പുകളില് കഴിയുന്നവര്ക്ക് വാടകവീടുകളിലേക്ക് മാറുന്നതിന് ദുരിതാശ്വാസ നിധിയില് നിന്നും 6000രൂപ വരെ പ്രതിമാസം നല്കും
- മീന് പൊരിക്കുമ്പോള് ചെയ്യേണ്ട കാര്യങ്ങള്
- മോഷണത്തിനിടെ കള്ളന് ഉറങ്ങിപ്പോയി; പൊലീസ് വന്നു വിളിച്ചുണര്ത്തി !
- മലമ്പനിയുടെ ലക്ഷണങ്ങള് അറിയണം; മൃഗങ്ങളിലും രോഗം പകരാം
- കൊതുക് കൂടുതലുള്ള പ്രദേശമാണോ നിങ്ങളുടേത്; രോഗം വരാതിരിക്കാന് ഇക്കാര്യങ്ങള് ശ്രദ്ധിക്കണം
വീട്ടില് കൊതുക് കൂടുതലാണോ, രോഗം വരാതിരിക്കാന് ഇക്കാര്യങ്ങള് ചെയ്യാം
സംസ്ഥാനത്ത് പതിനായിരക്കണക്കിന് ആളുകളാണ് ഓരോ ദിവസവും പനിയുമായി ആശുപത്രികളിലെത്തുന്നത്. രോഗികളുടെ എണ്ണം കൂടുമ്പോള് ചികിത്സാ സൗകര്യം സ്വാഭാവികമായും കുറയും. രോഗം വരാതിരിക്കാനുള്ള മുന്കരുതലാണ് എല്ലാപേരും സ്വീകരിക്കേണ്ടത്. ഇടവിട്ടുള്ള മഴയില് കൊതുക് ശല്യം കൂടുകയാണ്. ഇതിനായി വീടിന്റെ പുറത്തും അകത്തും ചെറുതും വലുതുമായ ഇടങ്ങളില് വെള്ളം കെട്ടി നില്ക്കാതെ നോക്കണം. വീടിന്റെ ചുറ്റുപാട്, ടെറസ് എന്നിവിടങ്ങളിലും വെള്ളം കെട്ടിനില്ക്കാതെ നോക്കണം. അലക്ഷ്യമായി വലിച്ചെറിയുന്ന പ്ലാസ്റ്റിക്ക്, ചിരട്ട മുതലായവയില് വെള്ളം കെട്ടി നിന്ന് കൊതുക് വളരാം. വീട്ടിനകത്തെ ചെടികള് വയ്ക്കുന്ന ട്രേ കൊതുകിന്റെ ഉറവിടമാകാറായി കാണുന്നുണ്ട്. അതിനാല് ചെടിച്ചട്ടികളുടെയും ഫ്രിഡ്ജിലേയും ട്രേയിലെ വെള്ളം ആഴ്ച തോറും മാറ്റണം.
അടഞ്ഞുകിടക്കുന്ന വീടുകള്, സ്ഥാപനങ്ങള്, ഉപയോഗശൂന്യമായ ടയറുകള്, ബ്ലോക്കായ ഓടകള്, വീടിനകത്തെ ചെടികള്, വെള്ളത്തിന്റെ ടാങ്കുകള്, ഹാര്ഡ് വെയര് കടകളിലേയും, അടഞ്ഞ് കിടക്കുന്ന വീടുകളിലേയും ക്ലോസറ്റുകള്, പഴയ വാഹനങ്ങള് എന്നിവയും ശ്രദ്ധിക്കണം. നിര്മ്മാണ പ്രവര്ത്തനങ്ങള് നടക്കുന്ന സ്ഥലങ്ങളില് കൂത്താടി പ്രജനനം നടക്കുന്നുണ്ടോ എന്ന് പ്രത്യേകം ശ്രദ്ധിക്കണം.
