സിആര്‍ രവിചന്ദ്രന്‍|
Last Modified ബുധന്‍, 25 ഒക്‌ടോബര്‍ 2023 (16:41 IST)
തക്കാളിക്കും ആപ്പിളിനും ശ്വാസകോശത്തെ സംരക്ഷിച്ചു നിര്‍ത്താനുള്ള കഴിവുണ്ടെന്ന് പുതിയ പഠനത്തിലെ കണ്ടെത്തല്‍. ശ്വാസകോശത്തിനുണ്ടാകുന്ന തകാരാറുകള്‍ പോലും ആപ്പിളും തക്കാളിയും കഴിക്കുന്നവരില്‍ പരിഹരിക്കപ്പെടുന്നു എന്നാണ് പഠനത്തിലെ പ്രധാന കണ്ടെത്തല്‍.
ദിവസവും രണ്ട് തക്കളിയിലധികമോ മുന്നു നേരം പഴങ്ങള്‍ ആഹാരത്തിന്റെ ഭാഗമാക്കുന്നവരിലൊ ഇത് കഴിക്കാത്തവരെ അപേക്ഷിച്ച് ശ്വാസ കോശത്തിന്റെ പ്രവര്‍ത്തനം മെച്ചപ്പെടുന്നാതായി പഠനത്തില്‍ കണ്ടെത്തി. തക്കാളി ധാരാളം ഉപയോഗിക്കുന്നവരില്‍ ശ്വാസകോശ അസുഖങ്ങള്‍ കുറയുന്നതായി നേരത്തെ തന്നെ പഠനങ്ങള്‍ കണ്ടെത്തിയിരുന്നു.
സാദാരണ ഗതിയില്‍ 35 വയസിനു ശേഷം, ശ്വാസകോശത്തിന്റെ ആരോഗ്യത്തില്‍ കാര്യമായ പ്രശ്‌നങ്ങള്‍ വരാറുണ്ട്. ഇതിന് ഒരു ഉത്തമ പരിഹാരമാണ് നിത്യവും പഴങ്ങള്‍ ആഹാരത്തിന്റെ ഭാഗമാക്കുന്നത് എന്ന് പഠനം ചൂണ്ടിക്കാട്ടുന്നു. പുകവലികൊണ്ട് ഉണ്ടാകുന്ന പ്രശ്‌നങ്ങളെ പോലും ചെറുക്കാന്‍ ഇതിലൂടെ കഴിയും എന്നും പഠനം വെളിപ്പെടുത്തുന്നു.
