അനുബന്ധ വാര്ത്തകള്
- മഴക്കാലത്തെ പ്രധാന രോഗങ്ങളെകുറിച്ച് അറിയണം; ഇക്കാര്യങ്ങള് ശ്രദ്ധിക്കണം
- പേപ്പര് കപ്പില് ചായ കുടിക്കുന്നത് അത്ര നല്ലതല്ല! മൈക്രോപ്ലാസ്റ്റിക് ശരീരത്തിലെത്തും
- മഴക്കാലത്ത് വീടിനുള്ളിലെ 'കെട്ട നാറ്റം' തലവേദനയാകുന്നുണ്ടോ? പരിഹാരമുണ്ട്
- പ്രമേഹ രോഗികൾക്ക് കഴിക്കാൻ പറ്റുന്ന പഴങ്ങൾ ഏതൊക്കെയാണ്?
- ഇന്ത്യയിലെ സ്ത്രീകള്ക്ക് ചെറുപ്പത്തില് തന്നെ ഫൈബ്രോയിഡുകള് ഉണ്ടാകുന്നത് എന്തുകൊണ്ട്?
രാജ്യത്ത് ഹെപ്പറ്റൈറ്റിസ് കേസുകള് കുതിച്ചുയരുന്നു; ഹെപ്പറ്റൈറ്റിസ് എ യുടെ അപകടസാധ്യത ഇല്ലാതാക്കാനുള്ള 9 വഴികള്
ഹെപ്പറ്റൈറ്റിസ് എ യുടെ അപകടസാധ്യത ഇല്ലാതാക്കാനുള്ള 9 വഴികള് ആരോഗ്യ വിദഗ്ധര് പങ്കുവയ്ക്കുന്നു.
രാജ്യത്ത് ഹെപ്പറ്റൈറ്റിസ് കേസുകള് കുതിച്ചുയരുകയാണ്. ഹെപ്പറ്റൈറ്റിസ് എ യുടെ അപകടസാധ്യത ഇല്ലാതാക്കാനുള്ള 9 വഴികള് ആരോഗ്യ വിദഗ്ധര് പങ്കുവയ്ക്കുന്നു.
വാക്സിനേഷന്
ഹെപ്പറ്റൈറ്റിസ് എ തടയുന്നതിനുള്ള ഏറ്റവും ഫലപ്രദമായ മാര്ഗം നിങ്ങള് തിരഞ്ഞെടുക്കുകയാണെങ്കില്, അതിനുള്ള ഉത്തരം വാക്സിനാണ്. ഹെപ്പറ്റൈറ്റിസ് എ വാക്സിന് സാധാരണയായി രണ്ട് ഡോസുകളിലാണ് നല്കുന്നത്. കൂടാതെ പതിവ് വാക്സിനേഷനുകളുടെ ഭാഗമായി 12 മാസത്തില് കൂടുതല് പ്രായമുള്ള കുട്ടികള്ക്ക് ഇത് ശുപാര്ശ ചെയ്യുന്നു.
കൈ കഴുകല്
കൈകള് വൃത്തിയായി സൂക്ഷിക്കേണ്ടത് വളരെ പ്രധാനമാണ്. വൈറസിനെ നേരിടാനുള്ള പ്രധാന നുറുങ്ങുകളില് ഒന്നായതിനാല്, ഇടയ്ക്കിടെ സോപ്പും വെള്ളവും ഉപയോഗിച്ച് കൈകള് നന്നായി കഴുകണം. പ്രത്യേകിച്ചും ടോയ്ലറ്റ് ഉപയോഗിച്ചതിനു ശേഷവും ഡയപ്പറുകള് മാറ്റിയതിനു ശേഷവും ഭക്ഷണം തയ്യാറാക്കുന്നതിനോ കഴിക്കുന്നതിനോ മുമ്പ് കൈകള് കഴുകേണ്ടത് അത്യാവശ്യമാണ്.
പഴങ്ങളും പച്ചക്കറികളും ഉപയോഗിക്കുമ്പോള് ജാഗ്രത പാലിക്കുക
ഭക്ഷണത്തിന്റെ കാര്യത്തില് ആരോഗ്യകരമായ ഭക്ഷണക്രമം പാലിക്കേണ്ടത് അത്യാവശ്യമാണ്. പഴങ്ങള് സ്വയം തൊലി കളയാനും, മലിനമായ വെള്ളത്തില് കഴുകിയിരിക്കാവുന്ന പച്ചക്കറികളോ പഴങ്ങളോ കഴിക്കരുതെന്നും ജനങ്ങളോട് ആരോഗ്യവിദഗ്ധര് നിര്ദേശിക്കുന്നു. കാരണം ഇത് അപകടസാധ്യത വര്ദ്ധിപ്പിക്കും.
വെള്ളം തിളപ്പിക്കുകയോ ശുദ്ധീകരിക്കുകയോ ചെയ്യുക
നിങ്ങളുടെ വീട്ടില് വാട്ടര് പ്യൂരിഫയറുകള് ഇല്ലെങ്കില്, ജലവിതരണ സംവിധാനത്തിലെ വെള്ളം എത്രത്തോളം സുരക്ഷിതമാണെന്ന് ഉറപ്പില്ലെങ്കില് വെള്ളം തിളപ്പിച്ച ശേഷം കുടിക്കുക.
തെരുവ് കച്ചവടക്കാരില് നിന്ന് ഭക്ഷണം വാങ്ങുന്നത് കുറയ്ക്കുക
തെരുവ് ഭക്ഷണത്തിന്റെ കാര്യത്തില് വളരെ ജാഗ്രത പാലിക്കേണ്ടത് പ്രധാനമാണ്, കാരണം അത് എല്ലായ്പ്പോഴും ശ്രദ്ധയോടെയും ശുചിത്വത്തോടെയും തയ്യാറാക്കണമെന്നില്ല. അതിനാല് തട്ടുകടകളില് നിന്ന് ഭക്ഷണം കഴിക്കുമ്പോള് ശ്രദ്ധിക്കണം. ഭക്ഷണം നന്നായി പാകം ചെയ്തിട്ടുണ്ടെന്ന് ഉറപ്പാക്കുക. ഭക്ഷണം തൊടാന് ചൂടാണെന്ന് ഉറപ്പാക്കണം, പാകം ചെയ്തയുടനെ ഭക്ഷണം കഴിക്കാന് ശ്രമിക്കണം, കാരണം ഇത് വൈറസിന്റെ സാധ്യത കുറയ്ക്കും.
സുരക്ഷിതമായ ലൈംഗിക പ്രവര്ത്തനങ്ങള്
വൈറസ് അണുബാധയുടെ വര്ദ്ധനവിനെ ചെറുക്കുന്നതില് സുരക്ഷിതമായ ലൈംഗിക പ്രവര്ത്തനങ്ങള് അത്യന്താപേക്ഷിതമാണ്. ഈ സമയത്ത് ജാഗ്രത പാലിക്കേണ്ടത് അത്യാവശ്യമാണ്. സുരക്ഷിതമല്ലാത്ത ലൈംഗിക പ്രവര്ത്തനങ്ങള് വൈറസിന്റെ സാധ്യത വര്ദ്ധിപ്പിക്കും. അണുബാധയുണ്ടായാല് ലൈംഗിക പ്രവര്ത്തനങ്ങള് ഒഴിവാക്കണം.
