അനുബന്ധ വാര്ത്തകള്
- മഴക്കാലത്ത് തുമ്മലും അലര്ജി പ്രശ്നങ്ങളും; കാരണം ഇതാണ്, ഇക്കാര്യങ്ങള് ശ്രദ്ധിക്കുക
- ശരീര ഭാരം കുറയ്ക്കാന് മാത്രമല്ല ഡയറ്റിലൂടെ സമ്മര്ദ്ദവും ഉത്കണ്ഠയും ഒഴിവാക്കാന് സാധിക്കും
- പ്രസവങ്ങള് തമ്മില് എത്ര വര്ഷത്തെ ഇടവേള വേണം? ഇക്കാര്യം അറിഞ്ഞിരിക്കാം
- നിന്നുകൊണ്ട് വെള്ളം കുടിച്ചാല് കിഡ്നിക്ക് പണി കിട്ടുമോ?
- വ്യായാമം ചെയ്യുന്നതിനിടെ ഹൃദയാഘാതം ഉണ്ടാകാം; ലക്ഷണങ്ങള് ഇവയൊക്കെ
മദ്യത്തിനൊപ്പം ഇവയാണോ ടച്ചിങ്സ് ആയി ഉപയോഗിക്കുന്നത്? അപകടം ഇരട്ടിയാകും !
വീക്കെന്ഡുകളില് സുഹൃത്തുക്കള്ക്കൊപ്പം മദ്യപിക്കുന്നവരാണ് നമ്മളില് ഭൂരിഭാഗം ആളുകളും. എന്നാല് അമിതമായ മദ്യപാനം ശരീരത്തിന് വലിയ രീതിയില് ദോഷം ചെയ്യുമെന്ന കാര്യം എല്ലാവരുടേയും ഓര്മയില് വേണം. മദ്യപിക്കുന്നതിനൊപ്പം കഴിക്കുന്ന ഭക്ഷണ സാധനങ്ങളെ കുറിച്ച് പോലും കൃത്യമായ ധാരണ വേണം. ഫ്രൂട്ട്സ്, വെജിറ്റബിള് സലാഡ് എന്നിവയാണ് എപ്പോഴും മദ്യപിക്കുന്നതിനൊപ്പം കഴിക്കാന് നല്ലത്.
ബീര് കുടിക്കുന്നതിനൊപ്പം ബ്രെഡ് വിഭവങ്ങള് കഴിക്കരുത്. ബര്ഗര് പോലെയുള്ള ജങ്ക് ഫുഡ്സ് വിഭവങ്ങള് ബീറിനൊപ്പം ചേരില്ല. ബീറിലും ബ്രെഡിലും യീസ്റ്റ് അടങ്ങിയിട്ടുണ്ട്. യീസ്റ്റ് അമിതമായാല് അത് ദഹനപ്രക്രിയയെ സാരമായി ബാധിക്കും. അതുകൊണ്ട് ബീറും ബ്രെഡ് വിഭവങ്ങളും ഒന്നിച്ച് കഴിക്കരുത്.
മദ്യപിക്കുന്നതിനൊപ്പം ഉപ്പ് കൂടുതലുള്ള ഭക്ഷണ സാധനങ്ങള് കഴിക്കുന്നത് ആരോഗ്യത്തിനു നല്ലതല്ല. ഫ്രെഞ്ച് ഫ്രൈസ്, ചീസി നാച്ചോസ് എന്നിവ മദ്യത്തിനൊപ്പം കഴിക്കരുത്. കാരണം സോഡിയം കൂടുതലുള്ള സാധനങ്ങള് മദ്യത്തിനൊപ്പം ഉള്ളിലേക്ക് എത്തിയാല് അത് ദഹനത്തെ ബാധിക്കും. ഉപ്പ് കൂടുതലുള്ള സാധനങ്ങള് കഴിച്ചാല് ദാഹം കൂടും. വീണ്ടും വീണ്ടും മദ്യം കുടിക്കാനുള്ള തോന്നലുണ്ടാകും. മദ്യത്തിനൊപ്പം വറുത്തതും പൊരിച്ചതുമായ ഭക്ഷണ സാധനങ്ങള് ഒരു കാരണവശാലും കഴിക്കരുത്. ഇത് കരളിന്റെ ജോലിഭാരം ഇരട്ടിയാക്കുകയും അതുവഴി നിരവധി ആരോഗ്യ പ്രശ്നങ്ങളിലേക്ക് നയിക്കുകയും ചെയ്യും.
